Dilongesha dia 16

Dipangadika diebe bua kusadila Nzambi

Ntshinyi tshiudi ne bua kuenza bua kulua mulunda wa Nzambi? (1, 2)

Mmunyi muudi wenza diditshipa diebe kudi Nzambi? (1)

Ndîba kayi diudi ne bua kubatijibua? (2)

Mmunyi muudi mua kupeta bukole bua wewe kushala ne lulamatu kudi Nzambi? (3)

1. Bua wewe kulua mulunda wa Nzambi, udi ne bua kupeta dimanya dikumbanyine dia bulelela bua mu Bible (1 Timote 2:3, 4), kuitabuja malu audi mulonge (Ebelu 11:6), kunyingalala bua mpekatu yebe (Bienzedi 17:30, 31), ne kushintuluka mu nsombelu webe. (Bienzedi 3:19) Pashishe dinanga diebe bua Nzambi didi ne bua kukusaka bua kuditshipa kudiye. Ebi bidi biumvuija se: mu disambila dia pa nkayebe, dia mu musokoko udi umuambila ne: udi udifila kudiye bua kuenza disua diende.​—Matayo 16:24; 22:37.

2. Kunyima kua wewe mumane kulonga Dîyi dia Nzambi, mufike too ne ku diditshipa kudi Nzambi, udi ne bua kubatijibua. (Matayo 28:19, 20) Batismo udi umanyisha muntu yonso ne: udi muditshipe kudi Yehowa. Nunku batismo udi anu bua aba bakaadi batantamaneku, bakumbane mua kuangata dipangadika bua kusadila Nzambi. Padi muntu ubatijibua, mubidi wende wonso udi ne bua kuikala muina muinshi mua mâyi bua mutantshi mukese. *​—Mâko 1:9, 10; Bienzedi 8:36.

3. Kunyima kua wewe mumane kuditshipa, Yehowa neatekemene se: wende mu diumvuangana ne dilaya diebe. (Musambu wa 50:14; Muambi 5:4, 5) Diabolo neaditatshishe bua kukuimanyika bua kusadidi Yehowa. (1 Petelo 5:8) Kadi usemene kudi Nzambi mu disambila. (Filipoi 4:6, 7) Ulonge Dîyi diende dituku dionso. (Musambu 1:1-3) Ushale mulamate tshisumbu. (Ebelu 13:17) Pa kuenza malu aa onso, neupete bukole bua kushala ne lulamatu kudi Nzambi. Nenku, bua kashidi ne tshiendelele udi mua kuenza malu adi Nzambi ukulomba!

[Mêyi adi kuinshi]