Kuikala ne muoyo wa tshiendelele pa buloba bukudimuna mparadizu

Nzambi mmulaye bantu badi bamutumikila muoyo wa tshiendelele. Dîyi diende didi ditujadikila ne: ‘Bantu bakane nebapiane buloba, nebashikamepu tshiendelele.’​—Musambu 37:29.

Kadi, bua kutubalabu munkatshi mua “bantu bakane” aba, kumanya bulelela pa Busatu Bunsantu nkayaku ki nkukumbane to. Bidi bikengela kudiunda mu dimanya dia Nzambi. Wewe kuyi muanji kupeta diambuluisha edi, Bantemu ba Yehowa nebasanke bua kulua kukuambuluisha. Ubafundile mu adrese wa ku idi kuinshi eku bua kumanya malu makuabu anyi bua Ntemu kampanda wa Yehowa alue kulonga nebe Bible tshianana kuyi ufuta mfranga.