Shintulula bukole bua dîyi. Bandisha dîyi bua kushindika malu manene ne kusaka bateleji ku dienza bualu kampanda. Enza bia muomumue paudi ubala mvese idi yakula bua malumbuluisha. Puekesha dîyi bua kujula bantu nyota anyi bua kuleja buôwa peshi dipampakana.

Shintulula tshiona tshia dîyi. Biobi bikumbana mu muakulu wenu, bandisha tshiona tshia dîyi bua kuleja disanka anyi bunene bua bintu peshi ntanta wa tshikondo anyi wa muaba. Puekesha tshiona bua kuleja kanyinganyinga anyi dipampakana.

Shintulula lubilu lua dîyi. Akula lukasa lukasa bua kuleja disanka anyi dilubakana. Akula bitekete bitekete paudi wamba malu adi ne mushinga.