Manya tshiudi ubadila mvese au. Fila mvese yonso mu mushindu wa kutuma ntema ya bateleji ku bualu bunene buudi ujinga kushindika mu mvese au.

Tela Bible bu mukanda utu bantu beyemena. Wewe wakula ne batendeledi ba Nzambi, koka ntema yabu ku Bible bua kuleja ne: “n’Dîyi dia Nzambi”; dîba adi neuleje ne: udi weyemena Bible bu muaba mutambe buimpe wa kupetela meji.

Jula nyota ya bantu bua mvese au. Ela lukonko luikala mvese mua kuandamuna, jula bualu buikala mvese mua kuambuluisha bua kujikija, anyi amba dîyi dinene dikala bualu budi mu mvese au mua kuambuluisha bateleji bua kumvua.