Disambakaja dia bitendelelu
Nzambi utudi tutendelela ke udi bena mu bitendelelu bionso batendelela anyi?
Yehowa utu wanyisha bitendelelu bionso nansha mudibi bilongesha malu mashilangane anyi?
Mat 7:13, 14; Yne 17:3; Ef 4:4-6
-
Tshilejilu tshia mu Bible:
-
Yos 24:15—Yoshua wakambila bantu ne: bavua ne bua kusungula bua kuenzela Yehowa mudimu anyi kuwenzela nzambi mikuabu
-
1Bk 18:19-40—Yehowa wakasaka muprofete Eliya bua kuleja ne: batendeledi ba Nzambi mulelela kabena ne bua kutendelela nzambi mikuabu bu mudi Bâla to
-
Mmunyi mutu Yehowa umona nzambi ya bisamba ne diyitendelela?
Mmunyi mutu Yehowa umona dimutendelela didi disambakaja ne malu adiye mukine?
Yes 1:13-15; 1Ko 10:20-22; 2Ko 6:14, 15, 17
-
Tshilejilu tshia mu Bible:
-
Eks 32:1-10—Yehowa wakakuatshila Alona tshiji tshikole pavuaye muenze lupingu lua kana ka ngombe bua kumutendelela, nansha muvua bena Isalele baluteke bua kuenza ‘tshibilu tshia Yehowa’
-
1Bk 12:26-30—Mukalenge Yalobama kavua musue bua bantu baye ku ntempelo mu Yelushalema to, nunku wakenza mpingu kuambaye ne: ivua ileja Yehowa; bualu abu buakafikisha bantu ku dienza mpekatu
-
Ntshinyi tshivua Yehowa mulongeshe bena Isalele bua didisangisha ne bantu badi batendelela nzambi mikuabu?
Ntshinyi tshivua Yehowa muenze pavua bantu bende benzele nzambi mikuabu mudimu?
Bal 10:6, 7; Mis 106:35-40; Yel 44:2, 3
-
Tshilejilu tshia mu Bible:
-
1Bk 11:1-9—Bakaji ba ku babende ba mukalenge Solomo bakamufikisha ku ditendelela nzambi mikuabu, kusakabi bakuabu bua kuenza nanku, Yehowa wakakuata tshiji bua bualu abu
-
Mis 78:40, 41, 55-62—Asafa wakaleja muvua buntomboji bua bena Isalele ne ditendelela diabu dia mpingu binyingalaje Yehowa ne bimusake bua kulekela bantu bende
-
Yezu uvua witaba malongesha avua abengangana ne Dîyi dia Nzambi anyi?
-
Tshilejilu tshia mu Bible:
-
Mat 16:6, 12—Yezu wakafuanyikija malongesha a Bafalese ne a Basadoke ne luevene, bualu malongesha a dishima atu atangalaka ne lukasa, anyanga malongesha malelela a mu Dîyi dia Nzambi
-
Mat 23:5-7, 23-33—Yezu wakapisha bafundi ne Bafalese ne muoyo umue bua bikadilu biabu bia lubombo ne malongesha abu a dishima
-
Mâk 7:5-9—Yezu wakela bafundi ne Bafalese patoke bua muvuabu banemeka bilele bia bantu bikole kupita malongesha a mu Dîyi dia Nzambi
-
Yezu uvua mulombe bayidi bende bua kuenza bitendelelu bia bungi bishilangane anyi?
-
Tshilejilu tshia mu Bible:
-
Yne 15:4, 5—Yezu wakatela muonji wa tumuma tua mvinyo bua kuleja buobumue budi ne bua kuikala pankatshi pende ne bayidi bende ne munkatshi mua bena Kristo nkayabu
-
Yne 17:1, 6, 11, 20-23—Butuku bua ndekelu pavua Yezu ne bapostolo bende kumpala kua kumushipabu, wakasambila bua bayidi bende balelela bonso bashale mu buobumue
-
Bisumbu bia bungi bia bena Kristo ba mu bidimu lukama bia kumpala bivua bilongesha malu amue ne bitendelela Yehowa mushindu wa muomumue anyi?
-
Tshilejilu tshia mu Bible:
-
Bz 11:20-23, 25, 26—Bisumbu bia mu Antiokia ne mu Yelushalema bivua bienza mudimu bimpe pamue mu buobumue
-
Lom 15:25, 26; 2Ko 8:1-7—Bena mu bisumbu bia mu bidimu lukama bia kumpala bavua banangangane bualu bavua bambuluishangana mu bikondo bikole, bileja muvuabu mu buobumue
-
Nzambi utu wanyisha bitendelelu bionso bitu biamba mudibi bitabuja Kristo anyi?
Nzambi udi mua kuanyisha ntendelelu wa bantu badi kabayi batumikila malongesha a Kristo ne bapostolo anyi?
-
Tshilejilu tshia mu Bible:
-
Mat 13:24-30, 36-43—Yezu wakafuanyikija bena Kristo ba dishima ne ntete ya lupela, kuambaye ne: bena Kristo ba dishima ba bungi bavua ne bua kumueneka ne kubuela mu tshisumbu
-
1Yn 2:18, 19—Mupostolo Yone ukavua mununu wakaleja ne: baluishi ba Kristo ba bungi bakavua bamueneke ku ndekelu kua bidimu lukama bia kumpala
-
Bobu balekele bantu badi kabayi batumikila Kristo ne badi balongesha malu a dishima mu tshisumbu, ntshinyi tshidi mua kuenzeka?
Bena Kristo badi ne bua kuenza tshinyi bua kuikala mu buobumue?
Bena Kristo badi ne bua kuepuka ntendelelu wa dishima bua tshinyi?
Bua tshinyi mbimpe kuela malongesha a dishima a bitendelelu patoke?
Bua tshinyi kabiena ne bua kutukemesha padi bena mu bitendelelu bia dishima batuluisha ne batukengesha?
Mona bikuabu:
TSHIBUMBA TSHIA NSENTEDI
Didisangisha pamue dia bitendelelu Nzambi udiku udianyisha anyi?
Bidiku ne mushinga bua kukeba buobumue ne buwetu anyi? Diandamuna didi Bible ufila didi mua kukukemesha.
MANDAMUNA A NKONKO YA MALU A MU BIBLE
Bitendelelu bionso bidi muomumue anyi? Bionso bidi bilombola bantu kudi Nzambi anyi?
Malu abidi adibu baleje mu Bible adi atupetesha diandamuna.
MALONGESHA AUDI MUA KUPETA MU BIBLE
Bukalenge budi bukosoloka
Bena Isalele ba bungi bakalekela kuenzela Yehowa mudimu.
MALU ETU
Lomba bua balue kukutangila
Tata lukonko lua malu a mu Bible, anyi longa malu a bungi adi atangila Bantemu ba Yehowa.
