Disambila
Bua tshinyi tudi tuamba ne: Yehowa utu uteleja masambila ne uandamuna?
Bala kabidi Mis 66:19; Bz 10:31; Eb 5:7
-
Tshilejilu tshia mu Bible:
-
1Bk 18:36-38—Pavua muprofete Eliya muenze disambila pa mukuna wa Kâmele kumpala kua baprofete ba Bâla, Yehowa wakamuandamuna diakamue
-
Mat 7:7-11—Yezu udi utukankamija bua kusuminyina mu disambila, utujadikila ne: bu mudi Yehowa Tatu wa dinanga, udi ututeleja
-
Nnganyi udi bena Kristo ne bua kusambila?
Tutu tusambila mu dîna dia nganyi?
Yehowa utu uteleja masambila a nganyi?
Yehowa katu uteleja masambila a banganyi?
Nsu 15:29; 28:9; Yes 1:15; Mik 3:4; Yak 4:3; 1Pt 3:7
-
Tshilejilu tshia mu Bible:
-
Yos 24:9, 10—Yehowa kakateleja Balâma to, bualu tshivuaye mulombe tshivua tshibengangana ne disua diende
-
Yes 1:15-17—Bu muvua bena Isalele balue bena lubombo, bikale ne dibanza dia mashi, Yehowa kavua uteleja masambila abu to
-
Mmushindu kayi muimpe utudi mua kujikija disambila? Bua tshinyi?
Bible utu uleja ne: tudi ne bua kuikala mushindu kampanda patudi tusambila anyi?
1Bk 8:54; Mâk 11:25; Luk 22:39, 41; Yne 11:41
Bala kabidi Yna 2:1
Mmalu kayi adi batendeledi ba Yehowa mua kulomba mu disambila padibu badisangisha bua kumutendelela?
-
Tshilejilu tshia mu Bible:
-
1Ku 29:10-19—Mukalenge Davidi wakasambila kumpala kua bena Isalele pavuabu bafila bintu ku budisuile bua kuibaka nabi ntempelo
-
Bz 1:12-14—Bapostolo, bana babu ne Yezu, Mariya mamuende wa Yezu, ne bantu bakaji bakuabu ba lulamatu bavua mu nzubu wa kuulu mu Yelushalema basambila pamue
-
Bua tshinyi muntu udi usambila kena ne bua kuditumbisha anyi kukeba bua kukemesha bakuabu?
Bua tshinyi mbimpe tusambile kumpala kua kudia?
Bua tshinyi katuena ne bua kulengulula disambila?
Lom 12:12; Ef 6:18; 1Ts 5:17; 1Pt 4:7
-
Tshilejilu tshia mu Bible:
-
Dan 6:6-10—Danyele wakatungunuka ne kusambila muaba uvua bakuabu mua kumumona nansha muvuabu mua kumushipa
-
Luk 18:1-8—Yezu wakafila tshilejilu tshia mulumbuluishi mubi wakambuluisha mukaji mukuabu uvua musuminyine ne kumulomba bua akose tshilumbu tshiende biakane. Wakafila tshilejilu atshi bua kuleja ne: Tatu wetu neatuteleje petu tuetu tutungunuka ne kumusambila
-
Mmeji kayi atudi ne bua kuikala nawu tuetu basue bua Nzambi ateleje masambila etu a dimulomba luse?
-
Tshilejilu tshia mu Bible:
-
2Bk 22:11-13, 18-20—Bu muvua mukalenge Yoshiya mudipuekeshe mukebe bua kusankisha Yehowa, Yehowa wakamufuila luse ne wakamuenzela malu mimpe
-
2Ku 33:10-13—Mukalenge Manashe wakadipuekesha kulombaye Yehowa luse. Yehowa wakamufuila luse kumupingajaye mu bukalenge
-
Ntshinyi tshidi Yehowa utulomba tuetu basue bua atubuikidile?
Bua tshinyi mbimpe tuambile Yehowa ne: tudi basue disua diende dienzeke?
Bua tshinyi mbimpe masambila etu aleje mutudi beyemene Tatu wetu wa mu diulu?
Tudi mua kusambila bua malu kayi?
Dijidila dia dîna dia Nzambi
Dilua dia Bukalenge bua Nzambi bua kukokesha buloba bujima
Disua dia Yehowa dienzeke
Bintu
Ditubuikidila mpekatu yetu
Ditukuba ku mateta
Disakidila
Bua kumanya tshidi disua dia Nzambi, bua kupeta lungenyi ne meji
Bala kabidi Mis 119:34
-
Tshilejilu tshia mu Bible:
-
1Bk 3:11, 12—Yehowa wakasanka pavua mukalenge Solomo mumulombe meji, wakamupeshawu a bungi
-
Dilomba nyuma muimpe
Kusambila bua bena Kristo netu pamue ne badibu bakengesha
Mêyi a kutumbisha nawu Yehowa
-
Tshilejilu tshia mu Bible:
-
Luk 10:21—Yezu wakatumbisha Tatu wende kumpala kua bantu bua muvuaye musokoluele bena budipuekeshi bavua bu bana batekete bulelela
-
Bua 4:9-11—Banjelu batu bapesha Yehowa bunême ne butumbi bidi bimukumbanyine
-
Disambila bua bakokeshi batulekele tuyishe bantu ne tutendelele Yehowa mu ditalala
Bala kabidi Yel 29:7
Mbimpe tuetu kusambila dituku ditudi tubatijibua anyi?
Mbimpe tuetu kusambila bua badi basama mu nyuma anyi?
Bua tshinyi bantu balume batu basambila kabayi babuikila ku mutu? Bua tshinyi bantu bakaji batu babuikila ku mutu misangu mikuabu patubu basambila?
Tshidi ne mushinga wa bungi, nkuenza masambila male anyi nkusambila ne muoyo mujima?
-
Tshilejilu tshia mu Bible:
-
1Bk 18:25-29, 36-39—Baprofete ba Bâla bakenza tshivua Eliya mubambile, kusambilabu nzambi wabu misangu ne misangu kadi kakabandamuna to
-
Bz 19:32-41—Batendeledi ba mpingu ba ku Efeso bakabila nzambi mukaji Atemise munda mua mêba abidi, kadi kakabandamuna to; nunku mufundi munene wa mu tshimenga wakabatandisha
-