Tshilejilu tshia mu Bible:

• Mat 4:8-10—Satana wakambila Yezu bua amutendelele bua amupeshe makalenge onso a pa buloba, kadi Yezu wakabenga bualu uvua mudisuike bua kutendelela anu Yehowa

• Bua 19:9, 10—Muanjelu wa bukole wakabenga bua mupostolo Yone kumutendelela

 Tshilejilu tshia mu Bible:

• Yes 1:10-17—Yehowa katu witaba ntendelelu wa bena lubombo badi kabayi batumikila mikenji yende ne katu umuanyisha to

• Mat 15:1-11—Yezu wakaleja ne: Yehowa katu wanyisha ntendelelu wa tshidingishilu udi uteka mikenji ya bantu kumpala kua ya Nzambi to

Tshilejilu tshia mu Bible:

• Bz 2:40-42—Mu bidimu lukama bia kumpala, bena Kristo bavua badisangisha bua kusambila, bua kulonga malu a Nzambi anyi bavua basomba pamue

• 1Ko 14:26-40—Mupostolo Paulo wakaleja ne: bisangilu bia tshisumbu bidi ne bua kukankamija bantu ne kuenzeka mu bulongame bua bantu balonge malu adibu balongesha ne bawumvue

Tshilejilu tshia mu Bible:

• Eb 11:6—Mupostolo Paulo wakumvuija ne: tuetu basue bua Yehowa anyishe ntendelelu wetu, tudi ne bua kuikala ne ditabuja

• Yak 2:14-17, 24-26—Yakobo muanabu ne Yezu wakaleja ne: ditabuja dietu didi ne bua kumuenekela mu bienzedi