Yehowa
Dîna diende
Dîna dia Yehowa didi diumvuija ne: “Yeye udi uvuija”
Yehowa utu ulua tshinyi? Utu udivuija tshinyi bua kutabalela batendeledi bende?
Mis 19:14; 68:5; Yes 33:22; 40:11; 2Ko 1:3, 4
Bala kabidi Mis 118:14; Yes 30:20; Yel 3:14; Zek 2:5
Bua tshinyi kujidila dîna dia Nzambi kudi ne mushinga wa bungi?
Bua tshinyi Mukalenge wa diulu ne buloba Yehowa mmukumbane bua tuetu kumutumikila?
Mianzu ya Yehowa
Dibue—Dut 32:4; Yes 26:4
Mukalenge mutambe Bunene—Yes 25:8; Amo 3:7
Mukalenge wa tshiendelele—1Tm 1:17; Bua 15:3
Mulongeshi Munene—Yes 30:20
Mutambe Bunene—Eb 1:3; 8:1
Mutambe Bunene—Gen 14:18-22; Mis 7:17
Tatu—Mat 6:9; Yne 5:21
Wa Bukole Buonso—Gen 17:1; Bua 19:6
Yehowa wa biluilu—1Sm 1:11
Imue ngikadilu milenga ya Yehowa
Mmunyi mudi Yehowa uleja patoke ne: ngua tshijila? Kumanya bualu abu kudi kutusaka bua kuenza tshinyi?
Eks 28:36; Lew 19:2; 2Ko 7:1; 1Pt 1:13-16
-
Tshilejilu tshia mu Bible:
-
Yes 6:1-8—Pavua Yeshaya mumone tshikena kumona tshidi tshileja mudi Yehowa wa tshijila, wakadimona muntu mubi bualu uvua muena mpekatu, kadi muanjelu wakamujadikila ne: bena mpekatu badi pabu mua kuanyishibua kudi Yehowa
-
Lom 6:12-23; 12:1, 2—Mupostolo Paulo wakaleja mutudi mua kukandamena majinga mabi ne kulonda njila wa “bunsantu”
-
Yehowa utu ne bukole bua mushindu kayi? Mmunyi mutuye wenza nabu malu?
Eks 15:3-6; 2Ku 16:9; Yes 40:22, 25, 26, 28-31
-
Tshilejilu tshia mu Bible:
-
Dut 8:12-18—Mose wakambila bena Isalele ne: bavua ne bintu bimpe bia bungi bualu Yehowa uvua wenza malu ne bukole buende bua kubabenesha
-
1Bk 19:9-14—Yehowa wakakankamija muprofete Eliya pavuaye mumuleje bukole buende bua bungi
-
Bua tshinyi buakane bua Yehowa ke budi butambe buimpe?
Dut 32:4; Yob 34:10; 37:23; Mis 37:28; Yes 33:22
-
Tshilejilu tshia mu Bible:
-
Dut 24:16-22—Mikenji ivua Yehowa mupeshe Mose idi ileja ne: Yehowa utu anu muakane, utu ne dinanga ne luse
-
2Ku 19:4-7—Mukalenge Yehoshafata wakavuluija balumbuluishi bavuaye muteke ne: bavua balumbuluisha bua Yehowa ki mbua muntu to
-
Ntshinyi tshidi tshileja ne: Yehowa udi ne meji matambe kutumbuka?
Mis 104:24; Nsu 2:1-8; Yel 10:12; Lom 11:33; 16:27
Bala kabidi Mis 139:14; Yel 17:10
-
Tshilejilu tshia mu Bible:
-
1Bk 4:29-34—Yehowa wakapesha mukalenge Solomo meji a bungi kupita bantu bakuabu bonso bavua ne muoyo tshikondo tshiende
-
Luk 11:31; Yne 7:14-18—Yezu uvua ne meji a bungi kupita Solomo, kadi uvua mumanye ne: meji ende au avua afumina kudi Yehowa
-
Ntshinyi tshidi Yehowa muenze bua kuleja mudiye mutunange bikole?
Yne 3:16; Lom 8:32; 1Yn 4:8-10, 19
Bala kabidi Sef 3:17; Yne 3:35
-
Tshilejilu tshia mu Bible:
-
Mat 10:29-31—Yezu wakakula bua mishamisha bua kuleja mudi Yehowa munange mutendeledi wende yonso bikole ne umutua mushinga
-
Mâk 1:9-11—Yehowa wakambila Yezu ne: uvua mumunange ne uvua udiumvua bua kuikala Tatuende. Etshi ntshilejilu tshimpe bua baledi bualu bana bonso batu basue babambile pabu nanku kudi baledi babu
-
Mmalu kayi makuabu adi atusaka bua kunanga Yehowa? Bible udi uleja ngikadilu mimpe ya bungi ya Yehowa, mona imue ya kudiyi:
Buakane—Mis 7:9
Bulenga—Luk 6:35; Lom 2:4
Bunene—Mis 8:1; 148:13
Butumbi—Bua 4:1-6
Dibenga kushintuluka; wa kueyemena—Mal 3:6; Yak 1:17
Didipuekesha—Mis 18:35
Diditeka pa muaba wa bakuabu—Yes 49:15; 63:9; Zek 2:8
Dikala wa tshiendelele; kayi ntuadijilu anyi ndekelu—Mis 90:2; 93:2
Dimanya malu onso—2Ku 16:9; Nsu 15:3
Disanka—1Tm 1:11
Ditalala—Flp 4:9
Lulamatu—Bua 15:4
Luse—Eks 34:6
Lutulu—Yes 30:18; 2Pt 3:9
Muoyo wa kupa—Mis 104:13-15; 145:16
Tshienzeka ntshinyi patudi tumanya Yehowa Nzambi bimpe?
Mutudi mua kuenzela Yehowa mudimu
Ntshinyi tshidi tshileja ne: Yehowa katu ulomba batendeledi bende malu adibu kabayi mua kukokesha bua kuenza?
-
Tshilejilu tshia mu Bible:
-
Dut 30:11-14—Mikenji ivua Nzambi muelele bena Isalele ku diambuluisha dia muprofete Mose kayivua mipite bukole bua kuyitumikilabu to
-
Mat 11:28-30—Yezu wakambila bayidi bende ne: uvua Mfumu muimpe uvua mufuane Tatuende menemene
-
Bua tshinyi Yehowa mmukumbane bua tuetu kumutumbisha?
Mis 105:1, 2; Yes 43:10-12, 21
Bala kabidi Yel 20:9; Luk 6:45; Bz 4:19, 20
-
Tshilejilu tshia mu Bible:
-
Mis 104:1, 2, 10-20, 33, 34—Mufundi wa misambu wakatumbisha Yehowa bua bintu bidiye mufuke
-
Mis 148:1-14—Bintu bionso bidi Yehowa mufuke bidi bimutumbisha; banjelu badi bamutumbisha. Ke tshitudi petu ne bua kuenza
-
Bikadilu bietu bidi mua kufikisha bakuabu kuditumbisha Yehowa mushindu kayi?
Ntshinyi tshitudi mua kuenza bua kulua balunda ba Yehowa?
Bua tshinyi mbimpe tuikale ne didipuekesha bua tulue balunda ba Nzambi?
Tuetu basue kulua balunda ba Yehowa, bua tshinyi mbimpe tuikale tubala Bible ne tuelangana meji bikole a bitudi tubala?
Bua tshinyi mbia mushinga bua tuetu kutumikila malu a Yehowa atudi tulonga?
Bua tshinyi katuena ne bua kusokoka Yehowa bualu?
Yob 34:22; Nsu 28:13; Yel 23:24; 1Tm 5:24, 25
-
Tshilejilu tshia mu Bible:
-
2Bk 5:20-27—Gehazi wakakeba bua kusokoka mpekatu wende, kadi Yehowa wakamusokoluela muprofete wende Elisha
-
Bz 5:1-11—Anania ne Sapila bakakeba bua kusokoka mpekatu uvuabu benze, Yehowa wakamusokolola, kubanyokaye bua muvuabu bashime nyuma muimpe
-
Mona bikuabu:
MANDAMUNA A NKONKO YA MALU A MU BIBLE
Nzambi udi ne mêna bungi kayi?
Bantu badi mua kuela meji ne: mêna aa mmêna a Nzambi: ‘Allah,’ ‘El Shaddai,’ ‘Yehowa-yile,’ ‘Alfa ne Omega.’ Bua tshinyi dîna ditudi tubikila Nzambi didi ne bualu?
NUIDIKIJE DITABUJA DIABU
Nzambi wakapesha Eliya bukole
Mmalu kayi avua mafikishe Eliya ku dikala ne dibungama, ulomba too ne bua afue?
MALU ETU
Lomba bua balue kukutangila
Tata lukonko lua malu a mu Bible, anyi longa malu a bungi adi atangila Bantemu ba Yehowa.
