Tshilejilu tshia mu Bible:

• Mat 16:13-17—Mupostolo Petelo wakajingulula ne: Yezu uvua Kristo Muana wa Nzambi

• Mat 17:1-9—Yezu wakandamuka kumpala kua bapostolo bende basatu, Yehowa wakakuila mu diulu, wamba ne: Yezu uvua Muanende

Tshilejilu tshia mu Bible:

• Mat 21:1-9—Pakabuela Yezu mu Yelushalema mubande pa mpunda, wakakumbaja mulayi wa buprofete uvua wakula bua Mukalenge Masiya uvua Yehowa musungule

• Eb 7:26-28—Mupostolo Paulo wakaleja mudi Yezu Muakuidi Mutambe bunene mushilangane ne bakuidi banene bakuabu bonso

Tshilejilu tshia mu Bible:

• Mat 4:23, 24—Yezu wakaleja mudiye ne bukole bua bungi kupita bademon ne mudiye mua kuondopa masama onso anyi matekete onso

• Mat 14:15-21—Yezu wakadiisha bantu bavua ne nzala binunu ne binunu mu tshishima ne mampa atanu ne mishipa ibidi bivuaye muvudije

•  Mat 17:24-27—Yezu wakenza tshishima bua Petelo apete makuta a kufuta tshitadi tshia ku ntempelo bua muntu kalenduki to

• Mâk 1:40, 41—Yezu wakumvuila muena nsudi luse, kumuondopaye. Bualu abu budi buleja ne: uvua musue kuondopa babedi

• Mâk 4:36-41—Yezu wakabatamija tshipepele tshikole, bileja ne: Tatu wende uvua mumupeshe too ne bukokeshi pa bintu bia mu bufuki

• Yne 11:11-15, 31-45—Yezu wakadila mulunda wende Lazalo uvua mufue, pashishe kumubishaye ku lufu bua kuleja muvuaye mukine lufu ne kanyinganyinga kadilu lukebela bantu

Tshilejilu tshia mu Bible:

• Mis 45:2-7, 16, 17—Musambu eu udi uleja ne: Mukalenge udi Nzambi musungule neatshimune bena lukuna bende bonso, neakokeshe ne bulelela ne didipuekesha ne buakane

• Yes 11:1-10—Pakokesha Yezu bu Mukalenge, buloba nebuvuijibue Mparadizu muikala ditalala