Tshivua Yezu muenze

Dilongesha

2. Mbimpe tuambile balongi betu malu patoke ne dinanga bua kubambuluisha bua baye kumpala mu nyuma.

 Idikija Yezu

3. Ambuluisha mulongi adifundile bipatshila ne abikumbaje.

1.    Muambuluisha ne kazubu ka “Tshipatshila” kadi mu dilongesha dionso dia mukanda wa Shala ne muoyo kashidi!

2.   Ambuluisha mulongi bua amanye malu masunguluke a kuenza bua kukumbaja bipatshila bia mpindieu ne bia matuku ndambu kumpala.

3.   Ikala umuela kalumbandi pa tshibidilu bua mudiye uya kumpala.

4. Manya malu adi apangisha mulongi bua kuya kumpala, umuambuluishe bua kuatshimuna.

1.    Diebeja ne:

   • ‘Mulongi wanyi yeye kayi uya kumpala mutangile ku batismo, tshidi tshimupangisha ntshinyi?’

   • ‘Ntshinyi tshindi mua kuenza bua kumuambuluisha?’

2.   Lomba Nzambi dikima dia kuyikila ne mulongi bua tshidiye ne bua kuenza, umulejatshi patoke ne dinanga.

5. Imanyika dilonga ne badi kabayi baya kumpala.

1.    Diela nkonko eyi bua kumanya bikala mulongi wa Bible udi uya kumpala:

   • ‘Mulongi udi utumikila bidiye ulonga anyi?’

   • ‘Utu ubuela mu bisangilu, uyisha bakuabu bulelela anyi?’

   • ‘Bikalaye ni mmulonge mu bule bua tshipolo kampanda, dijinga diende ndia kulua ntemu wa Yehowa anyi?’

2.   Mulongi wa Bible yeye kayi musue kuya kumpala:

   • Muambila akonkonone tshidi mua kuikala tshimupangisha bua kuya kumpala.

   • Mumvuija ne bukalanga tshiudi wimanyikila dilonga.

   • Muleja tshidiye ne bua kuenza bua kulubuluka kumpala kua wewe kubanga kulonga nende kabidi.