Mêyi a mbangilu
NZAMBI WA-BUKOLE-BUONSO ke Mfumu wa diulu ne buloba. Muoyo wetu wa lelu ne wa malaba udi mu bianza biende. Udi ne bukole bua kubeneshangana ne bua kupeshangana manyoka. Udi ne bukole bua kufila muoyo ne bua kuwangata. Yeye mutuanyishe, netuikale ne diakalengele; kadi yeye kayi mutuanyishe, tudi ba diakabi. Nunku kabienaku ne mushinga bua se: ntendelelu wetu ikale muanyishibue kudiye anyi?
Bantu batu batendelela mishindu kabukabu. Bikala tshitendelelu tshifuanyikija ne njila, nanku Nzambi udi wanyisha njila yonso peshi bitendelelu bionso anyi? Tòo, kabiena nanku to. Yezu muprofete wa Nzambi wakaleja ne: kudi anu njila ibidi patupu. Wakamba ne: ‘Mushiku wa mbelu udi munene, ne njila wa kabutu udi munene, ne bantu ba bungi badi babuelamu. Mushiku wa mbelu udi mubumbakane, ne njila wa ku muoyo udi mubumbakane, ne bantu banya-banya [ke] badi bamumona.’—Matayo 7:13, 14.
Nunku, bitendelelu bidi anu mishindu ibidi: tshidi tshifikisha ku muoyo ne tshidi tshifikisha ku kabutu. Kafundila ka kakanda aka mbua kukuambuluisha upete mushindu wa kubuela mu njila udi ufikisha ku muoyo wa tshiendelele.