TSHITUPA 2
“Muaba wanyi munsantu ke uuvua munyange”—Dinyanguka dia ntendelelu mukezuke
LUNGENYI LUNENE: Dinyanguka dia malanda a bena Isalele ne Nzambi ne dia bikadilu biabu
Yehowa uvua munange bena Isalele ne ubangata bu “tshintu [tshiende] tshia mushinga mukole.” (Ekes. 19:5, dim.) Kadi bobu bakatuadija kutendelela nzambi ya dishima anu mu ntempelo muine wa Yehowa uvua bantu bonso bamanye! Bakanyingalaja Yehowa, kupendeshishabu ne dîna diende. Bua tshinyi bena Isalele bavua banyanguke bikole mushindu au? Mêyi a buprofete a Yehezekele adi atangila dibutuka dia Yelushalema adi atulongesha tshinyi? Nsombelu uvua nende bena Isalele ne bisamba bivua bibanyunguluke udi utulongesha tshinyi?
MU TSHITUPA ETSHI
NSHAPITA 5
‘Mona malu mabi, malu matambe bubi adibu benza’
Yehezekele udi umona malu mabi matambe adi amubungamija adi aleja mudi tshisamba tshinyanguke mu nyuma.
NSHAPITA 6
“Nshikidilu wafiki mpindieu kuudi”
Mêyi a buprofete a Yehezekele avua aleja muvua Yehowa mufikile Yelushalema tshiji.
NSHAPITA WA 7
Bisamba ‘nebifike ku dimanya ne: meme ndi Yehowa’
Yehowa kavua mua kupanga kunyoka bisamba bivua biluisha dîna diende ne bikengesha bantu bende to. Bulunda buvua bena Isalele badie ne bisamba abi budi butulongesha tshinyi?
