TSHITUPA 3
‘Nennusangishe pamue’—Nzambi udi ulaya bua kujadikulula ntendelelu mukezuke
LUNGENYI LUNENE: Yehezekele udi umanyisha dijadikulula dia ntendelelu mukezuke mu mêyi ende a buprofete
Isalele mmutshibukile panshi, butontolodi mbupandulule tshisamba tshijima. Bu muvuaye munyange ntendelelu mukezuke ne mupende dîna dia Nzambi, ukadi mpindieu ukenga bua bienzedi biende abi. Kadi mu nsombelu mukole au, Yehowa wakasaka Yehezekele bua kumanyisha mêyi a buprofete avua apetesha bantu ditekemena. Wakakankamija bena Isalele bavuabu bakuate baye nabu, ne bantu bakuabu bavua bindile dijadikulula dia ntendelelu mukezuke ne muoyo kuulu kuulu; kubakankamijaye ku diambuluisha dia bimfuanyi bia dikema ne bikena kumona bivua bienza buôwa.
MU TSHITUPA ETSHI
NSHAPITA WA 8
“Nenjule mulami umue”
Nzambi wakasaka Yehezekele ku nyuma bua kufunda mêyi a buprofete avua atangila Masiya, Mulami wa bantu ba Yehowa ne Mukalenge uvua ne bua kulua kujadikulula ntendelelu mukezuke bua kashidi.
NSHAPITA WA 9
“Meme nembapeshe muoyo mujima”
Mêyi a buprofete avuabu bambile bena Yuda ba lulamatu bavuabu bakuate baye nabu mu Babilona adi atutangila petu mushindu kayi?
NSHAPITA WA 10
“Nenulue ne muoyo”
Yehezekele upeta tshikena kumona tshia tshibandabanda tshiuwule tente ne mifuba idi ilua ne muoyo. Tshidi tshiumvuija tshinyi?
NSHAPITA WA 11
“Ndi mukuteke nsentedi”
Nsentedi eu udi ne mudimu kayi? Udi ne bua kumanyisha bantu mukenji kayi?
NSHAPITA WA 12
“Nembavuije tshisamba tshimue”
Yehowa udi ulaya bua kusangisha bantu bende mu buobumue.
NSHAPITA WA 13
“Umvuija . . . mudi ntempelo”
Ntempelo uvua Yehezekele mumone mu tshikena kumona uvua ne diumvuija kayi?
NSHAPITA WA 14
“Eu ke mukenji wa ntempelo”
Tshikena kumona tshia Yehezekele tshia ntempelo tshivua mua kuikala tshipeteshe bena Yuda bavua mu Babilona malongesha kayi mimpe? Ntshinyi tshiditshi tshitulongesha bua ntendelelu mukezuke lelu?
