KAZUBU KA 16B
Ditua mikemu, didila, ditua bantu tshimanyinu, ne ditayisha nebienzeke dîba kayi ne mushindu kayi?
Tshikena kumona tshia mu Yehezekele nshapita wa 9 tshidi tshikumbana mu matuku etu aa. Patudi tumvua bimpe muikala malu ne bua kuenzeka, netumanye mua kuenza malu ne dikima ku nshikidilu wa ndongoluelu mubi wa malu eu
‘Ditua mikemu ne didila’
NDÎBA KAYI?: Mu matuku a ku nshikidilu, kadi kumpala kua dikenga dinene
MMUSHINDU KAYI?: Bantu badi basue malu makane badi baleja ku mêyi ne bienzedi biabu ne: mbakine malu mabi adi enzeka lelu eu. Bantu ba nanku badi bitaba mukenji utudi tubayisha, batungunuka ne kuidikija ngikadilu ya Kristo, babatijibua bua kuleja ne: mbadilambule kudi Yehowa, ne batua bana babu ne Kristo mpanda ne lulamatu
‘Ditua bantu tshimanyinu’
NDÎBA KAYI?: Mu dikenga dinene
MMUSHINDU KAYI?: Muntu uvua ne kalondo ka mâyi a mukanda ka mufundi udi uleja Yezu Kristo paluaye bua kulumbuluisha bisamba. Nzambi neanyishe bantu ba mu musumba munene anyi neabatue tshimanyinu ne: mmikoko, nunku nebapanduke ku dikenga dinene
“Ditayisha”
NDÎBA KAYI?: Mu mvita ya Armagedone
MMUSHINDU KAYI?: Yezu Kristo ne biluilu biende bia mu diulu bienza ne banjelu ne bakokeshi nende 144 000 nebabutule ndongoluelu mubi eu butubutu ne nebambuluishe batendeledi balelela bua kubuela mu bulongolodi bupiabupia bua buakane
