Dîna Yehezekele didi diumvuija ne: “Nzambi udi ukolesha.” Nansha mudi mêyi ende a buprofete ne madimuija a bungi, mukenji wende mu kabujima kawu udi upetangana ne diumvuija dia dîna diende, udi kabidi ukolesha ditabuja dia badi basue kupesha Nzambi ntendelelu mukezuke.

• YELEMIYA,

  uvua wa mu dîku dia bakuidi, wakatamba kuenzela mudimu wende mu Yelushalema (647-580 K.Y.)

• HULEDA

  uvua muprofete tshikondo tshivuabu bapete mukanda wa Mikenji mu Ntempelo bu mu 642 K.Y.

• DANYELE,

  uvua wa mu dîku dia bukalenge anyi wa mu dia bantu banene, bakaya nende mu Babilona mu 617 K.Y.

• HABAKUKA

  uvua mua kuikala muenzele mudimu wende mu Yuda ku ntuadijilu kua bukokeshi bua Yehoyakima

• OBADAYA

  wakamanyisha dilumbuluisha divua ditangila Edome, pamuapa tshikondo tshia kabutu ka Yelushalema

1. b. 643: Bamulela

2. 617: Babakuata baya nabu mu Babilona

3. 613: Utuadija kuamba mêyi a buprofete; umona Yehowa mu tshikena kumona

4. 612: Umona butontolodi ku ntempelo mu tshikena kumona

5. 611: Utuadija kuela bubi bua Yelushalema patoke

6. 609: Mukajende ufua, batshintshimika Yelushalema bua musangu wa ndekelu

7. 607: Upeta bujadiki bua ne: Yelushalema mmubutudibue

8. 593: Umona ntempelo mu tshikena kumona

9. 591: Udianjila kumanyisha muvua Nebukadenesâ ne bua kubutula Ejipitu; ujikija kufunda mukanda wende

1. 659-629: Yoshiya udi utua ntendelelu mukezuke mpanda, kadi ufua mu mvita yabu ne Palô Neko

2. 628: Yehoaza udi ukokesha bibi mu ngondo isatu, bamukuata kudi Palô Neko

3. 628-618: Palô Neko ukuata Yehoyakima mukalenge mubi ku bupika

4. 625: Nebukadenesâ utshimuna tshiluilu tshia bena Ejipitu

5. 620: Nebukadenesâ ukuata Yuda mu mvita musangu wa kumpala, uvuija Yehoyakima mupika wende mu Yelushalema

6. 618: Yehoyakima utombokela Nebukadenesâ, kadi ufua pamuapa padi bena Babilona bakuata Buloba Bulaya musangu muibidi

7. 617: Yehoyakina uvuabu babikila kabidi ne: Yekoniya udi ukokesha bibi mu ngondo isatu, pashishe udifila mu bianza bia Nebukadenesâ

8. 617-607: Sedekiya mukalenge mubi muena buôwa udi ulua mupika wa Nebukadenesâ

9. 609: Sedekiya utombokela Nebukadenesâ, ­pashishe Nebukadenesâ ukuata Yuda musangu muisatu

10. 607: Nebukadenesâ ubutula Yelushalema, ukuata Sedekiya umushipa mêsu, uya nende ku Babilona