BAKIDIDIANGANYI Bakididianganyi badiku bua kukuambuluisha. Suaku wenze tshidibu bakulomba padibu bakuleja muaba wa kuteka dikalu, moto, anyi mashinyi ebe; muaba wa kupatukila anyi kubuelela; muaba wa kusomba, ne malu makuabu kabidi.

BATISMO Nebalongoluele bantu badi babatijibua miaba ya kusombela buludiludi kumpala kua tshiakuidi. Bikalaku dishintuluka dikuabu, nebadimanyishe bateleji. Bantu badi balue kubatijibua nebasombele miaba idibu babalongoluele ayi kumpala kua muyuki wa batismo kutuadija mu Disambombo mu dinda. Muntu yonso alue ne tshilamba tshia kudikupula natshi mâyi ne bilamba bia kumutuabu nabi mu mâyi bidi biakanyine.

BENA BUDISUILE Wewe musue kuambuluisha mu mpungilu bu muena budisuile, suaku uye kudimanyisha ku Tshibambalu tshia malu a kumanya ne mudimu wa budisuile.

BINTU BIANGULA Nudi ne bua kuya ne bintu bionso biangula ku Tshibambalu tshia bintu biangula. Wewe mujimije tshintu, mbimpe uye kutshikeba ku tshibambalu etshi, kadi wikale mutshimanye bimpe. Nudi kabidi ne bua kufila bana badi bajimine ku tshibambalu etshi. Kadi bua kuepuka nsombelu mubi eu, tudi tunulomba bua kanulekeledi bana benu to, nubalame.

MAPA Mbatule makuta a bungi bua kulongolola miaba ya kusomba, biamu bia mêyi, ne midimu mikuabu bidi biambuluisha bua mpungilu eu kuenzekaye bimpe ne kutusemejaye pabuipi ne Yehowa. Makuta audi ufila ku budisuile neambuluishe bua kukumbaja malu aa ne bua kuendesha kabidi mudimu wa Bukalenge udi wenzeka pa buloba bujima. Bua kukupepejila malu, mbateke tushete tuudi mua kuela makuta aa patoke mu nseke yonso ya muaba udi mpungilu eu wenzekela. Udi mua kufidila kabidi makuta ku Enternete mu donate.pr418.com. Tudi ne dianyisha divule bua makuta onso anudi nufila. Kasumbu kaludiki kadi kanuela tuasakidila bua mushindu unudi nukuatshisha mudimu wa Bukalenge.

MIABA YA KUSOMBA Suaku wangate bakuabu ne mushinga. Umanye ne: anu muena mu dîku dienu, muntu unudi bende nende pamue, unudi basombele nende kumbelu kumue, anyi unudi nulonga nende Bible mpindieu ke uudi mua kukuatshila muaba. Kuteki bintu pa miaba iudi kuyi mulamine bantu to.

TSHIBAMBALU TSHIA DIONDOPANGANA Umanye ne: udi mua kuyaku anu disama dia tshimpitshimpi diodi dikukuate.

Kalasa ka bamanyishi ba Bukalenge Bampanda-njila badi ne bidimu 23 too ne 65 badi basue kuvudija mudimu wabu mbalombibue bua kubuela mu tshisangilu tshia badi basue kubuela mu Kalasa ka bamanyishi ba Bukalenge tshienzeka mu Dia lumingu mu mapingaja. Nebamanyishe dîba ne muaba wenzekelatshi.