BAKIDIDIANGANYI Bakididianganyi badiku bua kukuambuluisha. Suaku wenze tshidibu bakulomba padibu bakuleja muaba wa kuteka dikalu, moto anyi mashinyi ebe; muaba wa kupatukila anyi kubuelela; muaba wa kusomba, ne malu makuabu kabidi.

BATISMO Nebalongoluele bantu badi babatijibua miaba ya kusombela buludiludi kumpala kua tshiakuidi. Bikalaku dishintuluka dikuabu, nebadimanyishe bateleji. Badi balue kubatijibua badi ne bua kusomba muaba udibu babalongoluele au bangabanga ne muyuki wa batismo kutuadijawu mu Disambombo mu dinda. Muntu yonso udi ne bua kulua ne tshilamba tshia kudikupula natshi mâyi ne bilamba bia kumutuabu nabi mu mâyi bidi biakanyine.

MAPA Mfranga ya bungi mmituke bua kulongolola miaba ya kusomba, biamu bia mêyi, ne midimu mikuabu bidi biambuluisha bua mpungilu eu kuenzekaye bimpe ne kutusemejaye pabuipi ne Yehowa. Makuta audi ufila ku budisuile neambuluishe bua kukumbaja malu aa ne bua kuendesha kabidi mudimu wa Bukalenge udi wenzeka pa buloba bujima. Bua kukupepejila malu, tushete tuudi mua kuela makuta aa mbatuteke patoke mu nseke yonso ya muaba udi mpungilu eu wenzekela. Udi kabidi mua kuafidila ku Enternete mu donate.pr418.com. Tudi ne dianyisha divule bua mfranga yonso inudi nufila. Kasumbu kaludiki kadi kanuela tuasakidila bua mushindu unudi nukuatshisha mudimu wa Bukalenge.

DIONDOPANGANA Numanye ne: tshibambalu etshi tshidi tshiambuluisha anu padiku disama dia tshimpitshimpi.

BINTU BIANGULA Nudi ne bua kuya ne bintu bionso biangula ku Tshibambalu tshia bintu biangula. Wewe mujimije tshintu, mbimpe uye kutshikeba ku tshibambalu etshi, kadi umvuije bimpe mudi tshintu tshiebe. Nudi kabidi ne bua kufila bana badi bajimine ku tshibambalu etshi. Kadi pamutu pa kupeshangana mudimu wa patupu, tudi tunulomba bua kanulekeledi bana benu to, nubalame.

MIABA YA KUSOMBA Suaku wangate bakuabu ne mushinga. Umanye ne: anu muena mu dîku dienu, muntu unudi bende nende pamue, unudi basombele nende kumbelu kumue, anyi unudi nulonga nende Bible mpindieu ke uudi mua kukuatshila muaba. Kuteki bintu pa miaba iudi kuyi mulamine bantu to.

BENA BUDISUILE Wewe musue kuambuluisha mu mpungilu bu muena budisuile, suaku uye kudimanyisha ku Tshibambalu tshia malu a kumanya ne mudimu wa budisuile.