TSHITUPA 4
Kuteleja Satana kuvua kukebeshe malu kayi?
Adama ne Eva bakabenga kuteleja Nzambi. Ke bualu kayi bakafua. Genese 3:6, 23
Eva wakateleja tshivua nyoka mumuambile, e kudiaye tshimuma. Pashishe, kupeshaye Adama, yeye kudia pende.
Nunku bakatombokela Nzambi; bakenza bubi. Nzambi wakabipata mu Mparadizu.
Malu akabakolela bobu ne bana babu. Adama ne Eva bakakulakaja e kufuabu. Kabavua baye muaba kampanda udi kawuyi umueneka to. Kabavuaku kabidi to.
Bafue kabatu ne muoyo to, badi anu bu mudi buloba. Genese 3:19
Tudi tufua bualu tuetu bonso tudi bana ba Adama ne Eva. Bafue kabena mua kumona anyi kumvua anyi kuenza bualu bukuabu to.—Muambi 9:5, 10.
Yehowa kavua musue bua bantu bikale bafua to. Ukadi pa kubisha bafue. Bobu bamuteleje, nebashale ne muoyo tshiendelele.
Mona bikuabu:
MALONGESHA A MU BIBLE A NSHINDAMENU
Ntshinyi tshitu tshienzekela muntu padiye ufua?
Bible mmulaye tshikondo tshikala bantu ba bungi mua kubishibua ku lufu anu bu muvuabu babishe Lazalo ku lufu.
MALONGESHA A MU BIBLE A NSHINDAMENU
Nzambi mmulekele makenga bua tshinyi?
Bible udi ufila diandamuna dimpe didi dikolesha.
