TSHITUPA 6
Mudimu wa ndekelu wa Yezu wa diyisha
“Mukalenge webe udi ulua kuudi.”—Matayi 21:5
MU TSHITUPA ETSHI
NSHAPITA WA 101
Yezu udi udia kua Simona mu Betania
Mariya, muanabu ne Lazalo udi wenza bualu kampanda budi bujula makokianganyi, kadi Yezu udi umuakuila.
NSHAPITA WA 102
Mukalenge udi ubuela mu Yelushalema mubande pa muana wa mpunda
Udi ukumbaja dîyi dia buprofete diamba kukadi bidimu nkama itanu.
NSHAPITA WA 103
Badi bakezula ntempelo tshiakabidi
Bapanyi ba bintu mu Yelushalema benda mishinga idi imueneka kayiyi mibi, kadi bua tshinyi Yezu udi ubabikila ne: mbanyengianganyi ba bintu?
NSHAPITA WA 104
Padi bena Yuda bumvua dîyi dia nzambi, nebalejaku ditabuja anyi?
Kudiku dishilangana pankatshi pa kuikala ne ditabuja kudi Yezu ne kuenza malu adi aleja ditabuja anyi?
NSHAPITA WA 105
Mutshi wa mfigi ne dilongesha dia ditabuja
Yezu udi ulongesha bayidi bende bua bukole bua ditabuja ne umvuija kabingila kavua kasake Nzambi bua kubenga tshisamba tshia Isalele.
NSHAPITA WA 106
Bilejilu bibidi bia madimi a tumuma tua mvinyo
Peta diumvuija dia tshilejilu tshia muntu uvua mulombe bana bende babidi bua kuenza mudimu mu budimi buende bua tumuma tua mvinyo ne tshia muntu uvua mushile babidime babidi budimi buende bua tumuma tua mvinyo.
NSHAPITA WA 107
Mukalenge udi ubikila bantu mu tshibilu tshia dibaka
Tshilejilu tshia Yezu tshidi bushuwa dîyi dia buprofete.
NSHAPITA WA 108
Yezu udi wepuka bua kabamukuatshi ku mêyi to
Wakapuwisha bafalese kumpala, pashishe Basadoke, ne ndekelu wa bionso baluishi bende bavua badisange.
NSHAPITA WA 109
Yezu udi wela baluishi bende ba malu a ntendelelu patoke
Bua tshinyi Yezu kavua muanyishe dienza malu a ntendelelu mu mushindu mubi?
NSHAPITA WA 110
Dituku dia ndekelu dia Yezu ku ntempelo
Yezu udi ukuata mudimu ne tshilejilu tshia mukaji mukamba bua kufila dilongesha dia mushinga.
NSHAPITA WA 111
Bapostolo badi balomba tshimanyinu
Mêyi ende a buprofete akadianjila kukumbana mu bidimu lukama bia kumpala. Avuaku kabidi mua kukumbana mu mushindu mualabale pashishe anyi?
NSHAPITA WA 112
Dilongesha dia kushala batabale—Nsongakaji itshivua tumama
Yezu uvuaku mulongeshe ne: bamue bayidi bende bavua batshimbakane ne bakuabu badimuke anyi?
NSHAPITA WA 113
Dilongesha dia kuikala ne tshisumi—Ntalanta
Lusumuinu lua Yezu ludi lumvuija mêyi ende a ne: “Muntu yonso udi ne tshintu, nebamupeshe bikuabu.”
NSHAPITA WA 114
Kristo mu bukokeshi, ulumbuluisha mikoko ne mbuji
Ku diambuluisha dia tshilejilu tshidi tshikoka ntema, Yezu udi umvuija muaba wikala dilumbuluisha dia kashidi mua kuimanyina.
NSHAPITA WA 115
Pasaka wa Yezu wa ndekelu ukadi pabuipi
Bua tshinyi bivua bikumbane bua bamfumu ba bitendelelu kupeshabu Yudasa bitupa bia arjan 30 bua kutungila Yezu?
NSHAPITA WA 116
Yezu udi ulongesha budipuekeshi mu Pasaka wende wa ndekelu
Udi ukemesha bapostolo bende bua mudiye muenze mudimu wa mupika.
NSHAPITA WA 117
Didia dia Mukalenge
Yezu ubanjija tshivulukilu tshidi bayidi bende ne bua kuenza tshidimu tshionso mu dituku dia 14 ngondo wa Nisana.
NSHAPITA WA 118
Makokianganyi bua udi munene kupita bakuabu
Bapostolo bakavua bapue muoyo dilongesha divua Yezu ufuma ku dibapesha dilolo dimue dimue adi.
NSHAPITA WA 119
Yezu udi njila ne bulelela ne muoyo
Yezu udi ulongesha bulelela bua mushinga mukole bua mushindu wa kudia bulunda ne Nzambi.
NSHAPITA WA 120
Dikala matamba adi akuama mamuma pamue ne dikala balunda ba Yezu
Mmu mushindu kayi udi bayidi ba Yezu “bakuama mamuma”?
NSHAPITA WA 121
“Koleshayi muoyo! Ndi mutshimune ba pa buloba”
Mmunyi muvua Yezu mutshimune ba pa buloba pabi ba pa buloba bamushipe?
NSHAPITA WA 122
Disambila dia Yezu dia ndekelu mu nzubu wa kuulu
Wakaleja patoke ne: uvua mukumbaje bualu bua mushinga mukole menemene kupita kupesha bantu lupandu.
NSHAPITA WA 123
Yezu usambila padiye ne kanyinganyinga kakole
Bua tshinyi Yezu uvua musambile Nzambi bua ‘amumbushile dikopo edi’? Uvuaku mutshine mudimu wende wa kufua bu mulambu anyi?
NSHAPITA WA 124
Badi balambula Kristo kudi baluishi ne bamukuata
Yudasa uvua mua kupeta Yezu nansha muvuabu butuku.
NSHAPITA WA 125
Badi baya ne Yezu kudi Ana ne pashishe kudi Kayifa
Mushindu uvuabu balumbuluishe Yezu uvua mubi menemene.
NSHAPITA WA 126
Badi bavila Yezu kua Kayifa
Mmunyi muvua Petelo uvua muntu wa ditabuja ne uvua mulamate Nzambi muele Yezu nyima ne lukasa luonso?
NSHAPITA WA 127
Balumbuluisha Yezu, pashishe baya nende kudi Pilato
Bamfumu ba bitendelelu bena Yuda bakaleja tshivua munda muabu bulelela.
NSHAPITA WA 128
Pilato ne Helode badi basangana Yezu kayi ne bualu
Bua tshinyi Pilato wakatuma Yezu kudi Helode bua bamulumbuluishe? Bua tshinyi Pilato kavua ne bukenji bua kulumbuluisha Yezu?
NSHAPITA WA 129
Pilato wakamba ne: “Tangilayi! Ke muntu eu!”
Nansha Pilato wakadimuena ngikadilu mimpe ivua Yezu muleje.
NSHAPITA WA 130
Badi bafila Yezu ne baya nende bua kumushipa
Bua tshinyi Yezu wakambila bakaji bavua ne kanyinganyinga kakole bua badile bua bana babu pamutu pa kudila bua bualu buende yeye?
NSHAPITA WA 131
Mukalenge udi kayi ne bualu udi ukenga ku mutshi
Yezu udi ulaya umue wa ku bantu bavuabu bakosele tshibawu uvuabu bashipele pamue nende bualua kukumbana pashishe.
NSHAPITA WA 132
“Bulelela, muntu eu uvua muana wa Nzambi”
Tshishima tshia mîdima yenzeka mu munya, dikanka dia buloba, ne dipanduluka dia tshilamba tshia kukosolola natshi tshia ku ntempelo bivua bileja bualu bumue.
NSHAPITA WA 133
Badi balongolola mubidi wa Yezu ne bawujiika
Bua tshinyi badi benza malu ne lukasa bua kujiika Yezu kumpala kua dîba kubueladi?
NSHAPITA WA 134
Mu lukita mmutupu bualu Yezu ukadi ne muoyo!
Bobu bamane kubisha Yezu, wakamuenekela muyidi kampanda mukaji pamutu pa bapostolo bende.
NSHAPITA WA 135
Yezu udibu babishe ku lufu udi umuenekela bantu ba bungi
Mmunyi muvua Yezu mujadikile bayidi bende ne: ukavua mubishibue ku lufu?
NSHAPITA WA 136
Ku muelelu kua Mbuu wa Galela
Badi bavuluija Petelo misangu isatu mushindu udiye mua kuleja mudiye munange Yezu.
NSHAPITA WA 137
Bantu nkama bakamumona kumpala kua Pentekoste
Panyima pa dibishibua dia Yezu ku lufu ne kumpala kua kuyaye mu diulu, wakaleja bayidi bende misangu ne misangu tshivuabu ne bua kupeta ne mushindu uvuabu ne bua kuenza natshi mudimu.
NSHAPITA WA 138
Kristo ku tshianza tshia balume tshia Nzambi
Ntshinyi tshivua Yezu ne bua kuenza pavuaye muindile tshikondo tshia kuangata malu mu bianza bua kuluisha bena lukuna bende?
NSHAPITA WA 139
Yezu ulualua ne Mparadizu, ujikija ne mudimu wende
Utshidi ne bia bungi bia kuenza kumpala kua kupesha Nzambi ne Tatuende Bukalenge.