Ambula:

• Pa mabeji ne note mipepeja

1. 1. Nngany’udi bu wew’ Yehowa

   Mu diulu muaba webe?

   Nemfute tshinganyi, Tatu,

   Bua malu’a kunnanga kuebe?

   Pandi ntangila mu diulu,

   Butumbi mbundi mmona.

   Mpindieu meme ndi nganyi

   Bua mûdi untabalela?

   (DIPUNGULUJA)

   Nzambi wanyi, ndi nkuimbila wewe

   Musambu wa butumbi.

   Yehow’ Nzambi, Mfumu wanyi nguewe;

   Tshianga nansha butumbi,

   Meme nenkupeshabi.

2. 2. Nzambi, muoyo wanyi nguebe,

   Mbimpe ukutumbishe.

   Nengambe bulenga buebe,

   Njila yebe nemmanyishe.

   Yehowa, kukusadila

   Nkungûje ne kudiumvua.

   Wew’udi butumbi buanyi,

   Kashidi we’ nguandombola.

   (DIPUNGULUJA)

   Nzambi wanyi, ndi nkuimbila wewe

   Musambu wa butumbi.

   Yehow’ Nzambi, Mfumu wanyi nguewe;

   Tshianga nansha butumbi,

   Meme nenkupeshabi.

3. 3. Dîba, mitoto, ne ngondo,

   Mbû ne bibanda mbiebe;

   Mbinsankishe, binkemeshe,

   Bindeje dinanga diebe.

   Bunene, meji, ne buimpe

   Mbindi mudimuenene.

   Nunku, me’ nenkutumbishe

   Bua bifukibu’ebi mene!

   (DIPUNGULUJA)

   Nzambi wanyi, ndi nkuimbila wewe

   Musambu wa butumbi.

   Yehow’ Nzambi, Mfumu wanyi nguewe;

   Tshianga nansha butumbi,

   Meme nenkupeshabi.