Ambula:

• Pa mabeji ne note mipepeja

1. 1. We’ umvua nyunyi idila,

   Mulu mavub’apita;

   Wewe muinshi mu tshibanda,

   Dîba mulu diteme munya.

   Bafue benu mbajuke,

   Nuenda nubakidila.

   Mparadizu’eu, bushuwa,

   Ukavu’anu pabuipi!

2. 2. Nzubu mmiasa mu tshibanda,

   Mikuabu pa mikuna.

   Umvua mây’a mu misulu

   Padiwu apueka ne tshiona.

   Madimi mmadiadije,

   Dinowa dituadije.

   Tshitudi lelu’etshi se

   Tshikavu’anu pabuipi.

   (KALAMBA)

   Nya tuakula, tuyikila,

   Malu atuvua bindile.

   Kakutshiena tshia kutshina:

   Lufu, miadi, mbijimine.

3. 3. Eku mbila ya masanka,

   Apa mashinda mimpe,

   We’ ubila bana benu,

   Ndituku dikuabu dimpe be!

   Tuetu kuimbila Yehowa,

   Mudiye mutunange!

   Masank’etu’aa mene,

   Akavu’anu pabuipi!

   (KALAMBA)

   Nya nkuamba ne Disanka ne:

   “Utua mimuemue bimpe be!”

   Ne tuvu’anu Tujing’anu

   Ne: dinga, tukuakidile.

4. 4. Malu mapiamapia

   Akadi pabuipi’apa.

   Ngakatulaya Yehowa,

   Neenzeke kakuyi mpata.

   Pandi mmona bitshilualua,

   Ntshinganyi tshiantekesha?

   Ndituku dia kuindila,

   Ne dikadi’anu pabuipi.