MUSAMBU WA 111
Malu atudi ne bua kusankila
-
1. Malu’a kusankila mmavule
Bu biuma bienda bivula.
Bintu bia mushinga bia panu,
Kutudi nya bienda bilua.
Tudi ne malu’a kusankila,
Adi mu Dîyi dia Nzambi;
Nditulongeshe dîba dionso,
Dituitabujije Nzambi.
Bia kusankila mbikumbane,
Bilunda mu mioyo yetu.
Nansha mutudi ne makenga,
Tulamate Nzambi wetu.
(DIPUNGULUJA)
Dietu disanka n’Yehowa
Pamue ne midimu yende.
Meji, buimpe, ne bukole biende
Bidi mu midimu yende.
-
2. Tusanke bua biakafukaye:
Diulu, mâyi, ne buloba.
Tu’tumona bifukibu’ebi,
Tuimbila wakabifumba.
Tudi tuyisha bualu ebu,
Bua Bukalenge bua Nzambi
Ne bua mabenesh’a kudibu,
Tubilongesha mu buambi.
Masank’a kashidi ngaw’alua
Bu mutu butoke bulua.
Diulu, buloba bipiabipia
Biatusankisha bilualua.
(DIPUNGULUJA)
Dietu disanka n’Yehowa
Pamue ne midimu yende.
Meji, buimpe, ne bukole biende
Bidi mu midimu yende.
(Bala kabidi Dut. 16:15; Yesh. 12:6; Yone 15:11.)