MUSAMBU WA 125
‘Badi ne luse mba disanka!’
-
1. Nzambi wetu mmuena luse;
Luse luende ndua buakane.
Mmusue bienzedi bia luse,
Majing’etu mmukumbaje.
Batondi ba mibi yabu,
N’umvue luse lualombabu.
Mmutumanye bu lupuishi,
Mmuena luse, mMutufuki.
-
2. Patuenza bubi, tukenga,
Dibuikidila tukeba,
Mfumu Yezu mmutuleje
Mua kulomba Nzambi luse:
‘Tulekelela mabanza,
Bu mutuakenzelangana.’
Ke tshiji, njiya kumbuka,
Tushala ne ditalala.
-
3. Patuafil’anu bua luse,
Nyuma wa kup’amueneke.
Ki mbua kukeba butumbi,
Ndisanka dietu ne Nzambi.
Nzambi udi mubimone,
Yeye n’akupingajile.
Ba disanka mbena luse,
Kudi Nzambi mbalengele.
(Bala kabidi Mat. 6:2-4, 12-14.)