MUSAMBU WA 136
“Difutu dikumbane” dia kudi Yehowa
-
1. Yehowa mmuvuluke bonso badi
Bamusadila bikole
Ne ntatu idi lulamatu luabu
Mua kukebesha: mivule.
Biwashiya nzubu ne bana benu,
Bionso, Nzambi mmubimanye.
Mmutupe bana betu ne n’atupe
Ne muoyo wa tshiendelele.
(DIPUNGULUJA)
Yehowa akufute biakane,
Difutu dikumbane akupe.
Yehowa mmuena lulamatu;
Nyemena kudiye, neakukube.
-
2. Bumue netulue bu bena diakabi
Badi mu ntatu mikole.
Anyi tumona malu’a ku dituku
Malue bujitu buvule.
Nzambi wa busambi, bionso mmumone;
Mmuteleji wa milombu.
Dîyi diende, nyuma, ne bana betu,
Busambi mbuakupeshabu.
(DIPUNGULUJA)
Yehowa akufute biakane,
Difutu dikumbane akupe.
Yehowa mmuena lulamatu;
Nyemena kudiye, neakukube.
(Bala kabidi Bal. 11:38-40; Yesh. 41:10.)