1. Patudi tukoleshangana

Bua kulamata Yehowa,

Dinanga neditusuike mu

Buobumue ne ditalala.

Tuetu tudi tunanukila

Bualu tuakunangangana.

Mu tshisumbu ke muaba muimpe

Utudi mua kunyemena.

2. Dîyi diamba tshikondo tshiadi

Ditu difila bukole

Padi balunda batusamba

Ne mêy’adi malengele.

Ndisanka dinene dia kuenza

Tshia pamue mudimu wetu!

Bonso tukoleshanganayi,

Tuambuishangane majitu.

3. Mutudi tumona dituku

Dia Yehowa dienda dilua,

Tuikale tudisangisha bua

Katupambuki mu njila.

Tuenzele Yehowa mudimu

Mu buobumue tshiendelele.

Nanku tukoleshangane bua

Tulame muoyo mutoke.