Malu a tshinyangu neajikaku dimue dituku anyi?
Bobu bakuenzele malu a tshinyangu udi mua kudiebeja ne: ‘Bikala Nzambi ututabalela, malu a nunku adi enzeka bua tshinyi? Malu a tshinyangu a neajikaku dimue dituku anyi? Tshia kuenza ntshinyi bua kupita bimpe ne buôwa bundi nabu?’ Bible udi wandamuna nkonko eyi bimpe menemene.
Nzambi utu umona malu a tshinyangu mushindu kayi?
Nzambi mmukine malu a tshikisu ne a tshinyangu. (Misambu 11:5; Nsumuinu 6:16, 17) Nansha Yezu, muleji mpala wa Nzambi, wakatandisha pende bayidi bende bua malu a tshikisu avuabu benze. (Matayi 26:50-52) Bantu ba bungi badi benza malu ne tshikisu ne bamba mudibu baenza mu dîna dia Nzambi. Kadi Nzambi ki mmubanyishile bua kuenza nanku to. Kena nansha mua kuteleja masambila abu to.—Yeshaya 1:15.
Bible udi uleja ne: Nzambi udi utabalela bonso badi bakenga, too ne badibu benzele malu a tshinyangu. (Misambu 31:7; 1 Petelo 5:7) Udi uleja kabidi ne: Nzambi neajikije malu a tshikisu.—Yeshaya 60:18.
Tshikebeshi tshia malu a tshinyangu
Bible udi uleja tshitu tshikebesha malu a tshinyangu. Udi wamba ne: ‘Muntu mmukokeshe muntu mukuabu bua kumukengesha.’ (Muambi 8:9) Katshia anu ku kale, bantu ba bukole mbenzele bakuabu malu a tshinyangu bua kubakengesha. Abu pabu ne: kabushadidi muetu, babenzela pabu malu a tshinyangu.—Muambi 7:7.
Dijika dia malu a tshinyangu
Nzambi mmulaye bua kujikija buôwa ne malu a tshinyangu, ne kuteka ditalala pa buloba. (Yeshaya 32:18; Mika 4:3, 4) Mona tshienzaye:
Neumbushe tshikebeshi tshia malu a tshinyangu. Nzambi neapingaje Bukalenge buende pa muaba wa makalenge a bantu bua bukokeshe pa buloba bujima. Yezu Kristo, mfumu wa Bukalenge abu, neenzele bantu bonso malu mimpe, neajikije kabidi tshikisu ne dikengeshangana. (Misambu 72:2, 14) Tshikondo atshi, muntu nansha umue kakuenzela mukuabu malu a tshinyangu to. Bantu “nebikale ne disanka dipite bungi mu ditalala divule.”—Misambu 37:10, 11.
Neajikije malu mabi onso adi malu a tshinyangu makebeshe. Nzambi neondope bantu masama abu a mu mubidi nansha a mu lungenyi, adi malu a tshinyangu mabakebele. (Yeshaya 65:17; Buakabuluibua 21:3, 4.) Mmulaye bua kujula ne bafue bua bapete kabidi muoyo pa buloba apa mu nsombelu wa ditalala.—Yone 5:28, 29.
Mu Bible mudi malu a bungi mimpe adi atusaka bua kuitaba ne: Nzambi ukadi pa kukumbaja malu aa. Kadi udi mua kudiebeja ne: ‘Nzambi utshidi mulekele malu a tshinyangu enzeka bua tshinyi?’ Bua kupeta diandamuna dia lukonko elu, tangila filme wa Nzambi mmulekele makenga bua tshinyi?
a Mu kabujima, tutu tuakula bua “malu a tshinyangu” patubu benzela nangananga bantu badi kabayi mu busalayi malu a tshikisu anyi babafunyina bua kubenzelawu, bua kubatshingisha ne tshipatshila tshia kushintulula malu a tshididi, malu a mu nsombelu, anyi malu a Nzambi. Nansha nanku, kudi bantu badi mua kuamba ne: tshienzedi kampanda etshi ki ntshia kumona bu bualu bua tshinyangu to.
Mona bikuabu:
BIENA-BUALU BIKUABU
Mua kupita ne malu adi asamisha mutu
Mvese ne mibelu kayi idi mua kukuambuluisha bua kuikadi utamba kusamisha mutu?
BIENA-BUALU BIKUABU
Ditekemena dilelela dia matuku atshilualua mimpe
Bua tshinyi milayi ya mu Bible mishilangane ne milayi ya bantu ne malu atubu bamba ne: nealue kuenzeka?
MANDAMUNA A NKONKO YA MALU A MU BIBLE
Bukalenge bua Nzambi tshinyi?
Monayi bua tshinyi Bukalenge bua Nzambi mbupite kule ne kule makalenge makuabu onso.
TSHIBUMBA TSHIA NSENTEDI
Bukalenge bua Nzambi nebuenze malu kayi?
Yezu uvua mumanye ne: anu Bukalenge bua Nzambi ke mbulamatadi umuepele udi mua kujikija malu mabi adi pa buloba. Mmalu kayi akadi bukalenge abu buenze bua kukolesha dieyemena dietu?
BIENA-BUALU BIKUABU
Buakane nebuikalaku pa buloba dimue dituku anyi?
Bible udi uleja ne: buakane bulelela budi bufumina kudi Nzambi, udi wangata muntu yonso ne mushinga wa muomumue.
MALONGESHA A MU BIBLE A NSHINDAMENU
Nzambi mmulekele makenga bua tshinyi?
Bible udi ufila diandamuna dimpe didi dikolesha.
