“Dinyanguka dia mivu didi dikebela bantu, bimenga, ne mitshi ne nyama ntatu ya bungi. Bu mudi mivu ishintuluka, bidi bifikisha mpepele mikole ku ditomboka ne mpepele ayi yupula nzubu, inyangakaja midimu ne bintu bidi biambuluisha bantu pa buloba bujima. Miaba ya mu mâyi idi ikuata luya lukole, bifikisha bintu bionso bidimu ku difua.”​—Inger Andersen, sous-secrétaire générale des Nations unies et directrice exécutive du Programme des Nations unies pour l’environnement, 25/7/2023.

 Mbulamatadi neyidisangaku pamue bua kujikija ntatu ya buloba bujima ayi anyi? Neyikumbane bua kujikija ntatu ayi bua kashidi anyi?

 Bible udi uleja ne: kudi mbulamatadi udi mukumbane, yeye au ke wajikija malu onso a dinyanguka dia buloba. Udi wamba ne: “Nzambi wa mu diulu neajadike bukalenge bukuabu,” anyi mbulamatadi bua kulombola malu onso a pa buloba. (Danyele 2:44) Pakokesha mbulamatadi wa buloba bujima au, bantu ‘kabakuenzelangana bibi anyi kukebesha tshinyangu’ pa buloba to.​—Yeshaya 11:9.