Mu 2023, kuluisha bunkaya nkulue bualu budibu bateka pa muaba wa kumpala kudi bena malu a makanda a mubidi. Kudi tshia kuenza bua kutshimuna bunkaya anyi?

•   Doktere Vivek Murthy, muena malu a makanda a mubidi wa mu États-Unis udi wamba ne: “Lutatu lua bunkaya ne lua dibenga kusomba pamue ne bakuabu ludi mua kunyanga makanda etu a mubidi kujimija ne disanka dietu.” Kadi udi wamba kabidi ne: “Tudi ne bukole bua kulujikija.” Mushindu kayi? “Pa kuenza malu makese dituku dionso bua kukolesha bulunda buebe.” a

 Lutatu lua bunkaya kalutu lufumina anu ku disomba pa nkayetu to. Bakuabu batu badiumvua nkaya nansha bobu munkatshi mua bantu ba bungi. Nansha luolu lufumina kuepi, Bible udi mua kukuambuluisha. Udi ne mibelu mimpe idi mua kutuambuluisha bua kukolesha bulunda buetu bua tumone mua kutshimuna bunkaya.

 Ikala uyukila bimpe ne bakuabu. Kuyukila bimpe nkuleja muudi wewe udiumvua, ne kuikala kuteleja kabidi bakuabu bimpe. Paudi utabalela bakuabu bikole, bulunda buenu budi bukola.

•   Dîyi dinene dia mu Bible: ‘Kanuikadi nutangila anu malu enu nkayenu, kadi nutangile kabidi malu a bakuabu.’​—Filipoyi 2:4.

 Diaku bulunda ne bantu ba mishindu yonso. Ikala mudiakaje bua kudia bulunda ne bantu bakole anyi bana kuudi peshi ba mu matunga ne bilele bishilashilangane.

•   Dîyi dinene dia mu Bible: “Unzululayi mioyo yenu bikole.”​—2 Kolinto 6:13.

 Bua kumanya malu makuabu a mua kudia bulunda bukole ne bantu bakuabu, bala tshiena-bualu tshia “Comment combler notre besoin d’amitié.”