UNO VALINGILE VYAKUTENGA TAHI?
Mbangalala Eji Kwivwanga Chivumo Mujila Yakukomwesa
Mbangalala nahase kwivwa chivumo chakutezuka chikuma kuhambakana kala chuma chakutenga chahano hamavu. Oloze matwitwi enyi apwa amandende nge mutwe wafwenete, kaha nawa vawatenga mujila yayashi.
Shinganyekenu hachuma chino: Mumatwitwi ambangalala mwatwama ndaji. Ndaji hindaji yeji kundendesanga maselusi awana halwola lumwe.
Hamyaka yayivulu, vatu vanalinangulanga vyuma vize vyeji kukafwanga mbangalala evwenga chivumo. Vaka-sayasi vahaYunivesiti yaStrathclyde mulifuchi lyaScotland vesekele kuzachisa vivumo vyakulisezaseza mangana vamone nge mbangalala mwevwako. Vesekele kundenda chandaji yenyi mangana vawane omu eji kwivwanga, kaha jize “jindaji” jevwile chivumo chakutezuka chakuheta ku 300 (300 kilohertz), kaha kafukufuku eji kwivwanga chivumo chakutezuka chakuheta ku 212 (212 kilohertz). Ishi wamunene wamukalungalwiji eji kwivwanga chivumo chakuheta ku 160, kaha vatu veji kuhonanga kwivwa chivumo chakuheta ku 20 (kilohertz).
Vaka-kuhehwojola vamwe vasaka kuzachisa ngolo jambangalala jakwivwa chivumo mangana vatunge makina amahya. Mujila muka? Ndotolo James Windmil wahaYunivesiti yaStrathclyde ambile ngwenyi, “Hakusaka tutunge jimayikolofwoni jamwaza kaha nawa jajindende, tunahase kuhaka eji jimayikolofwoni mumakina akufwana nge jishinga jakutambuka najo navyuma vyeka vize vyeji kutukafwanga twivwenga kanawa chivumo.
Munashinganyeka Ngachilihi? Uno kwivwa chambangalala chivumo mujila yakukomwesa chalijilile chivene tahi nyi valingile chakutenga?
Pamo Nauzanga Nawa
TONENU
Vimbangachi vyaVakolekole VamuKalungalwiji
Vimbangachi vyavakolekole vamukalungalwiji vyeji kuvakinganga.
TONENU
Ulombo Ulauluka Chikuma Wamuhako Vavuluka Ngwavo Pollia Berry
Muhako kana kawatwama naulombo ulaulukako, oloze wapwa ulauluka chikuma. Uno chuma muka cheji kulingisanga muhako kana upwenga ulauluka?
TONENU
Mangona aMbau WamuKalungalwiji
Tunyama vamwe vaze vatwama mumeya vatwama nachilanda chamaji chize cheji kuvakafwanga vevwanga kuzuma. Mbau wamukalungalwiji eji kuzachisanga jijila jakulisezaseza.
TONENU
Chimbangachi chaKatutu WakuLikundu lyaSahara
Ou katutu wakuSahara vamutachikiza kupwa katutu umwe uze azanga kutwama kuchihela chizuma chikuma. Vyuma muka vyeji kukafwanga ou katutu numba ayoyele kuvihela vizuma chikuma?
