CHIHANDE CHACHINENE | KUTALA MWATWAMA NANGOLO HAKUYOYA CHENU TAHI?
Kutala Mwatwama naNgolo haKuyoya Chenu Tahi?
MAKUMBI ano kakweshi mutu ali nakutwama chakuzeneka ukaluko. Chuma chinahase kutukafwa tupwenga nangolo hakuyoya chetu shina kutachikiza ngwetu tuli naukalu, kaha twatela kulinga vyuma vize navikehesako ukalu kana. Nge munahase kupwa nangolo hakuyoya chenu chamokomoko naukalu muli nawo, kaha nachipwa chamwaza. Nge ukalu kana naukuma, kaha nachiwaha chikuma. Oloze ukalu wosena naukakuma kulutwe.
Mbimbiliya yatufwelelesa ngwayo kuli nakwiza lwola omu vatu vosena navakapwa nangolo hakuyoya chavo. Navakayoya chakuhona ukalu, vyuma vyakuvafutwisa kumuchima, ukalu wahakumbi hakumbi, chipwe vishinganyeka vyakuhenga. (Isaya 65:21, 22) Mbimbiliya yavuluka chiyoyelo kana ngwayo, “kuyoya chamwenemwene.”—WaChimoteu 1, 6:19.
“Navakatunga jizuvo javo, kaha navakatwamangamo, navakalimanga mande amivinyo, kaha navakalyanga mihako yayo. Kaveshi kukatunga jizuvo javo mangana veka vakatwamengamoko, kaveshi kukalima mangana veka vakalyenga vyuma vanalimiko. Mwomwo makumbi avatu jami nawakavula nge makumbi amutondo, vaze ngwasakula navakalivwisanga kuwaha milimo yamavoko avo.”—Isaya 65:21, 22.
Pamo Nauzanga Nawa
VYAYETU
Mwomwo Ika Twatela Kulinangwila Mbimbiliya?
Mbimbiliya yinakukumbulula vihula vyavilemu vyavatu vavavulu mukaye. Kutala nayenu namusaka mbimbiliya yikumbulule vihula vyenu tahi?
