VINAKUSOLOKA MUKAYE
Mijimbu Yize Yahanjika haTanga
Makumbi ano jitanga jili nakumona maukalu amavulu, oloze Mbimbiliya yatwama najindongi jakutukafwa mwakuhonesela ukalu kana.
Africa
Liuka lyaWorld Health Organization, lyamba ngwalyo kemba atela kuputuka kwamwa mavele kuli naye nge munahichi ola yimwe kufuma hakusapuluka. Kaha atela kwamwa lika swi nakutukweji 6. Chilolo umwe wamuliuka lyaUNICEF Regional Nutrition uze eji kutalanga mafuchi akusulo nakumututuko waAfrica ambile ngwenyi, vaka-kusekasana vanakutwalaho lika kukunyula vatu ngwavo “kunwisa vakemba mavele amumitumwa kachalihandununa nakwamwa kuli nayeko.”
VYUMA YAHANJIKA MBIMBILIYA: “Mutu wakuzeneka chinyingi eji kwitavilanga vyuma vyosena navamulweza, oloze mutu wakuzangama eji kuhehwojolanga jijila jenyi josena.”—Vishimo 14:15.
Canada
Vaka-kuhehwojola vanawane nge visemi vamwe veji kushinyinyikanga vana vavo mangana vakavangize jishimbi chakuhona kuvasolwela zangi. Vana vavavulu mujitanga jangana vali nakuvizanga musongo washuka nakujimba-jimba.
UNO MWATACHIKIZA TAHI? Jindongi jamwaza jakukafwa visemi valele kanawa vana vavo vajisoneka muMbimbiliya.—Wavaka-Kolose 3:21.
Netherlands
Vaka-kulinangula jitanga javaka-Dutch vavuluka ngwavo, visemi vaze vamona ngwavo nge lwola lwamilimo vatela kuzata milimo, kaha nawa nge lwola lwakuzakama jitanga javo vatela kuzakama tanga yavo, veji kutwamanga kanawa nakuwahilila mutanga. Chakutalilaho, nge visemi vali kuzuvo kaha navashimutwilanga hashinga vyamilimo, chinahase kuvatangula nakuvalingisa vahone kuzakama kanawa vana vavo.
VYUMA WATELA KUSHINGANYEKAHO: “Vyuma vyosena vikwechi lwola vavitongwela.”—Muka-kwambulula 3:1.
Pamo Nauzanga Nawa
MIKANDA NAJIMBULOSHUWA
Munahase Kuwahilila muTanga Yenu
Munahase kupwa vakuwahilila muulo wenu namutanga yenu nge namuzachisa jindongi jamuMbimbiliya.
