Lutalililo Muka Twatwama Nalwo Hali Vaze Vafwa?
Kufwa cheji kuwananga vatu vosena. Uno kufwa chikiko makumishilo amutu tahi? Uno vaze vafwa navakavanuka tahi? Uno vafu navakasanguka tahi?
SHINGANYEKENUNGA HAVYUMA YAHANJIKA MBIMBILIYA:
VAFU NAVAKAVANUKA
‘Vosena vaze vali muvimbumbe . . .Navakalovokamo.’—Yowano 5:28, 29.
Kalunga eji kwanukanga vosena vaze vafwa, kaha vaze vatwama muvishinganyeka vyenyi navakayoya cheka.
NAKUKAPWA KUSANGUKA HANO HAMAVU
“Nakukapwa kusanguka chavaka-kwoloka navaka-kuhenga.”—Vilinga 24:15.
Mayongomena avatu vaze vafwa navakavasangula, nakukapwa nalutalililo lwakukayoya haya myaka yosena.
TWATELA KUFWELELA NGWETU NAKUKAPWA KUSANGUKA
“[Kalunga] Eji kulavanga vatanganyika. Eji kuvavulukanga vosena halijina halijina.”—Samu 147:4.
Hakuwana nge Kalunga atachikiza majina avatanganyika vosena, ngocho mwakanuka vosena vaze vatwama muvimbumbe vaze mwakasangula.
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Uno Kusanguka Chapwa Chika?
Munahase kulikomokela havatu vaze navakasanguka kulutwe.
