Kalunga Mwamikinga naKumizakama Haya Myaka Yosena
Kutala mwasaka kukatwama mukaye kakuzeneka jijita, nauhwanga, navikokojola tahi?
Uno mwashinganyekaho lyehi ngwenu nakukapwa kaye kakuzeneka misongo, nakuyanda nakufwa tahi?
Kutala mwasaka kutwama chakuzeneka kulizakamina nakuhomba tahi?
Uno mwasaka kutwama mukaye kakuhona ukalu uze weji kwizanga mwomwo yavyuma vyakufwana nge, mindenda napeho yanyamanganda tahi?
Kalunga ketu uze atengele kano kaye, ashika ngwenyi vatu navakatwamanga mukuunda nakupwa vakuwahilila haya myaka yosena. Vyuma kana vyapwa vyamuchano.
Tunamilombo mutange vihande vinakavangizaho, mangana muwane:
Omwo Tengi eji kuzakamanga vatu vosena
Vyuma atulweza Kalunga kuhichila muMbimbiliya
Vyuma vyamwaza vahanjikile vapolofweto kutalisa kuvyuma atushika Kalunga
Omwo Kalunga nahase kutukafwa tupwenga vakuwahilila oholyapwa nakulutwe
Tuvangilenu kushimutwila omu Tengi eji kuzakamanga vatu.