Yehova Eji Kukisulanga Vaze Veji Kukafwanga Vakwavo
Vatu vavavulu mukaye kaveshi najizuvo navyakulyako. Veka nawa vatalilila kaha kukamona vyuma vafwelela kulutwe. Shikaho nge natukafwa vatu kanava kaha Kalunga mwatukisula nakutwivwila kuwaha.
VYUMA YAHANJIKA MBIMBILIYA
“Ou mwevwila muka-kuhutwa uselewa ali nakulevanyisa Yehova, kaha Kalunga mwakamufweta hakulinga ngocho.”—VISHIMO 19:17.
MWALUMBUNUKILA KUKAFWA VAKWETU
Yesu alwezele vaka-kumwivwilila, chifwanyisa chalunga uze vatwile jimbandu kuvihwanga nakumuseza muze ngumbanga. (Luka 10:29-37) Mutu umwe walikoji uze apwile nakuhita mujila akafwile uze lunga vatwile jimbandu. Numba tuhu ou lunga afumine kumuyachi weka oloze akafwile uze lunga apwile muukalu.
Ou lunga walikoji ahakile vitumbo hajimbandu jauze lunga valukukile kuvihwanga, nakumuvendejeka nakumukafwa.
Vyuma muka tunalinangula kuchifwanyisa kana? Yesu asolwele hatoma nge twatela kukafwa vakwetu vali muukalu kweseka nahakumina ngolo jetu. (Vishimo 14:31) Mbimbiliya yatunangula ngwayo kalinwomu Kalunga afumiseko uhutu nakuyanda. Ngocho, tunahase kuhuhwasana nakwamba ngwetu, uno Kalunga mwakafumisako ukalu kana mwaka uka, kaha nawa mujila muka? Chihande chinakavangizaho nachishimutwila havyuma vyamwaza mwakatulingila Tengi yetu.