Tengi Atulweza Jishiko Jenyi muMbimbiliya
Kufuma vene halwola luze Tengi atengele vatu, nahanjikanga navo kuhichila muli vangelo navapolofweto. Kaha nawa asakile mazu enyi najishiko jenyi vavisoneke. Eji jishiko ashika Kalunga jakwata hakuyoya chenu chakulutwe. Uno jishiko kana namujiwana kuli makumbi ano?
Mazu aKalunga vatusonekelelewo muMbimbiliya. (WaChimoteu 2, 3:16) Uno Kalunga azachishile ngachilihi vapolofweto vasoneke mazu enyi? (WaPetulu 2, 1:21) Kalunga ahakile vishinganyeka vyenyi mumichima yamalunga kana mangana vavisoneke. Chakutalilaho, makumbi ano, mukulwane wamilimo nahase kulweza muka-kusoneka amusonekele mujimbu umwe. Tweji kutachikizanga ngwetu uze mukulwane wamilimo ikiye mwenyamukanda keshi uze muka-kusonekako. Chochimwe nawa, numba tuhu Kalunga azachishile vapolofweto vasoneke mazu enyi, oloze ikiye chikupu mwenyaMazu Vasoneka Ajila.
VATU VAVAVULU MUNO MUKAYE VALI NAMBIMBILIYA
Mazu aKalunga apwa amalemu, ngocho Kalunga asaka vatu vosena vawatange nakuwevwishisa. Makumbi ano, Mazu aKalunga ali kuli ‘vaka-mafuchi osena, navaka-miyachi yosena, navaka-malimi osena.’ (Kusoloka 14:6) Mbimbiliya vanayalumuna yosena yamuundu chipwe yachihanda mumalimi akuzomboka 3,000, kuhambakana kala mukanda.
Pamo Nauzanga Nawa
ESSENTIAL BIBLE TEACHINGS
Uno Mwenya-Mbimbiliya Iya?
Kachi nge Mbimbiliya vayisonekele kuvatu, kutala chapwa chakutamo kuyivuluka ngwavo yapwa Mazu aKalunga tahi? Uno mazu vasoneka muMbimbiliya apwa eya?
