VATU VAMWE VAFWELELA NGWAVO nge tunafu tweji kutwalaho lika kuyoyela muchuma cheka, kaha veka ngwavo nge mutu nafu keshi kuyoya chekako. Nyi yenu mwafwelela vyuma muka?

VYUMA YAHANJIKA MBIMBILIYA

“Vafu kavatachikiza chuma numba chimweko.” (Muka-kwambulula 9:5) Ngocho nge tunafu, katweshi kutwalaho lika kuyoya chekako.

VYUMA VIKWAVO TWEJI KULINANGULANGA MUMBIMBILIYA

• Mutu watete Alama akindulukile cheka kulukungu omu afwile. (Kuputuka 2:7; 3:19) Nayetu nawa tweji kukindulukanga cheka kulukungu nge tunafu.—Muka-kwambulula 3:19, 20.

• Nge mutu nafu, nasambe chipwe ngwetu vanamukonekela jishili jenyi. (Wavaka-Loma 6:7) Shikaho, nge mutu nafu kaveshi kumuzangamisa chekako.

NAMUKUMBULULA NGWENU NGACHILIHI?

• Eyo

• Nduma

• Pamo

VYUMA YAHANJIKA MBIMBILIYA

“Nakukapwa kusanguka.” —Vilinga 24:15.

VYUMA MUKA VIKWAVO NATULINANGULA MUMBIMBILIYA?

• Kakavulu Mbimbiliya yafwanyisa kufwa kukusavala tulo. (Yowano 11:11-14) Kalunga nahase kuhindula mutu uze nafu, ngana muze tunahase kuhindula mutu uze ali mutulo.—Yopa 14:13-15.

• MuMbimbiliya mwatwama mijimbu yavatu vaze vasangwile. Kahechi chatulingisa tufwelele ngwetu chikupu vene vafu navakasanguka.—Vamyangana 1, 17:17-24; Luka 7:11-17; Yowano 11:39-44.