Muchano Wahanjika haWangana waKalunga
Yesu anangwile vaka-kumukavangiza valombenga ngwavo: “Ove Setu uli mwilu, lijina lyove lipwenga lyajila. Wangana wove wizenga. Mwaya muchima wove mulingiwe mwilu, nahamavu nawa.” (Mateu 6:9, 10) Wangana waKalunga chuma muka? Kaha weji kulinganga vyuma muka? Mwomwo ika twatela kulomba ngwetu Wangana kana wizenga?
Yesu ikiye Mwangana waWangana waKalunga.
Luka 1:31-33: “Ukamuluka lijina ngwove, Yesu. Ou mwana mwakapwanga wamulemu, kaha navakamuvulukanga ngwavo, Mwana wayou Wakulitulaho Chikuma. Yehova Kalunga mwakamuhana litanda lyakakuluka yenyi Ndavichi. Mwakapwanga Mwangana wavava vakuzuvo yaYakova haya myaka yosena, kaha Wangana wenyi kaweshi kukakumako.”
Wangana waKalunga ukiko wapwile mutwe wachihande ambulwilenga Yesu.
Mateu 9:35: “Yesu akatukile nakuya mujinganda josena namumembo osena, nakunangula vatu mujisunangonga javo, nakwambulula mujimbu wamwaza waWangana, nakuka misongo yosena nakuviza chosena vavijilenga vatu.”
Yesu alwezele tumbaji twenyi vinjikizo vize navikasolola nge Wangana unapandama hakamwihi.
Mateu 24:7: “Mwomwo lifuchi limwe nalikafumbukila lifuchi likwavo, kaha wangana umwe naukafumbukila wangana ukwavo, kaha kuvihela vyeka navyeka nakukapwa zala, namindenda.”
Makumbi ano, tumbaji twaYesu veji kwambululanga vyaWangana hamavu hosena.
Mateu 24:14: “Kahou mujimbu wamwaza waWangana navakawambulula hamavu hosena, nakupwa unjiho kuli vaka-mafuchi osena, numbanyi kukuma chikeze.”
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Wangana waKalunga Chuma Muka?
Shinganyekenu havyuma vize vyalingisa Wangana waKalunga upwenga wakulipwila kuhambakana jifulumende josena.
ESSENTIAL BIBLE TEACHINGS
Wangana waKalunga Chuma Muka?
Omu Yesu azachilenga mulimo wakwambulula, anangwilenga chikuma hachihande chaWangana waKalunga kuhambakana vihande vyeka. Hamyaka yayivulu, vaka-kumukavangiza vanalombonga ngwavo Wangana wizenga.
