MWAKUHONESELA CHIJINDO KUTANDA
4 | Kalunga Mwamikafwa Mufungulule Chijindo
Vyuma Yanangula Mbimbiliya:
“Mihako yashipilitu yikiko zangi, kuwahilila, kuunda, kutalilila chikoki, likoji, kuwaha, lufwelelo, kuvova, namuchima wakulikanyisa.”—WAVAKA-NGALESHA 5:22, 23.
Omwo Chalumbunukila:
Kalunga nahase kutukafwa tuhonese chijindo kutanda. Shipilitu yenyi yajila yinahase kutukafwa tupwenga navilinga vize katweshi kuhasa kupwa navyo mungolo jetuko. Shikaho muchishishisa chakusaka kuhonesa chijindo mungolo jetu, nachiwaha nge natupendamina hajindongi jize atuhana Kalunga mangana jitukafwe. Nge natulinga ngocho, kaha natupwa ngana muze chapwile kuli kaposetolo Paulu uze asonekele ngwenyi: “Ngunajikiza muvyuma vyosena kuhichila muli ou eji kunguhananga ngolo.” (Wavaka-Fwilipi 4:13) Kaha nawa natwamba ngwetu: “Yehova ikiye mwangukafwa.”—Samu 121:2.
Vyuma Mwatela Kulinga:
“Ngwapwilenga nguchilyanyi oloze Yehova nangwalumuna nakupwa jino ngumutu wakuunda.”—WALDO
Lombenu kuli Yehova namuchima wenu wosena mangana amihane shipilitu yenyi yajila. (Luka 11:13) Mulombenu mangana amikafwe musolole vilinga vyenyi. Linangulenu vyuma yahanjika Mbimbiliya kutalisa kuvilinga vize navimikafwa muhonese chijindo. Vilinga kana shina zangi, nakuunda, nakutalilila chikoki namuchima wakulikanyisa. Fwilenu kuwana mwakusolwela vilinga kana mukuyoya chenu. Kaha nawa likatenunga navatu vaze vasaka kusolola vilinga kana. Vatu kana ‘navamikolezeza musolole zangi navilinga vyamwenemwene.’—WavaHepeleu 10:24.
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Vyuma Muka Yahanjika Mbimbiliya Kutalisa kuMatoto?
Uno chapwa chakwoloka kukwata matoto tahi? Vyuma muka watela kulinga nge unaputuka kusulakana?
TONENU
Vyuma Yahanjika Mbimbiliya haUlyanyi
Uno Kalunga amona ngachilihi ulyanyi? Uno vatu vaulyanyi vanahase kwalumuka tahi?
