MWAKUHONESELA CHIJINDO KUTANDA
1 | Kanda Kutalanga Vatu Kumesoko
Vyuma Yanangula Mbimbiliya:
“Kalunga katala vatu kumesoko, oloze muli vaka-miyachi yosena, [vaze veji] kumwivwanga woma nakulinganga vyuma vyakwoloka, veji [kuvetavilanga] kuli Kalunga.”—VILINGA 10:34, 35.
Omwo Chalumbunukila:
Yehova * Kalunga keshi kutulingila vyuma mwomwo yalifuchi twafuma, chipwe muyachi, chipwe chikova chipwe chisemwa chetuko. Oloze eji kutalanga havyuma tweji kushinganyekanga navize twafwila. Mbimbiliya yamba nawa ngwayo, “vatu veji kutalanga omu asoloka mutu, oloze Yehova eji kutalanga mumuchima.”—Samwele 1, 16:7.
Vyuma Mwatela Kulinga:
Numba tuhu katweshi kutachikiza vyuma vili mumichima yavatuko, oloze tunahase kulondezeza Kalunga hakuhona kutalanga vakwetu kumeso. Fwilenunga kumona mutu himutu haukawenyi, keshi kumupandamisa kulizavu limweko. Nge munamono ngwenu munaputuka kushinganyekela vatu vyuma vyavipi mwomwo yachisemwa chavo chipwe kulifuchi vafuma, kaha lombenu Kalunga amikafwe mumbile vishinganyeka kana. (Samu 139:23, 24) Nge namulinga ngocho, kaha Yehova mwevwilila kukulomba chenu.—WaPetulu 1, 3:12.
^ Yehova lyapwa lijina lyaKalunga.—Samu 83:18.
“Kanda ngutwamengaho lyehi mukuunda nachindele, . . . Nguli jino mutanga yavandumbwetu vamukaye kosena.”—TITUS
Pamo Nauzanga Nawa
TONENU
Uno Mwamona Vakwenu—Ulumbi Tahi?
Vyuma muka navisolola nge mutu naputuka kupwa namuchima wakumona vakwavo ulumbi?
