Kalunga Amizakama
MUMBIMBILIYA mwatwama jindongi jamwenemwene jize jinahase kutukafwa, mwomwo jafuma kuli Kalunga. Numba tuhu, kawapwa mukanda uze wahanjika hajijila jakutukilamoko, oloze unahase kutukafwa tuhonese ukalu wakulizakamina, nou wakuhomba, nakuhona kuhaka mangana kumusongo wetu.
Chachinenenyi, Mbimbiliya yatufwelelesa ngwayo Tengi yetu Yehova Kalunga, a atachikiza kanawa omwo tweji kushinganyekanga nakwivwa kuhambakana kala mutu. Ngocho alizanga kutukafwa mukala ukalu natumona. Chakutalilaho, talenu Visoneka vinakavangizaho:
“Yehova ali hakamwihi navaze vali nakulyonyinga mumuchima. Kaha eji kulwilanga vaze vanahombo.”—SAMU 34:18.
“Ami Yehova Kalunga kove nangukukwachililanga nalivoko lyami lyachilyo, Yami nguli nakukulweza ngwami, ‘Kanda nawivwa womako, nangukukafwa.’”—ISAYA 41:13.
Uno Yehova eji kutukafwanga ngachilihi tulipike namusongo wakuwongo? Ngana muze namumona muvihande vinakavangizaho, Yehova eji kutukafwanga mujijila jajivulu.
a Yehova lyapwa lijina lyaKalunga.—Samu 83:18.
