1 | Kulomba—“Mbilenu Kulizakamina Chenu Chosena Hali Ikiye”
MBIMBILIYA YAHANJIKA NGWAYO: “Mbilenu kulizakamina chenu chosena hali [Kalunga], mwomwo amizakama.”—WAPETULU 1, 5:7.
Mwalumbunukila Mazu Kana
Yehova Kalunga atulweza tumulwezenga kulizakamina chetu chosena chize chili nakutuhombesa. (Samu 55:22) Tunahase kumulomba numba nge tuli muukalu waundende chipwe waunene. Kachi nge vyuma tuli nakulomba vyavilemu kuli etu, kaha nakuli Yehova nawa vyavilemu chikuma. Kulomba kuli Yehova chapwa hichuma chimwe chize cheji kutukafwanga tuunde muvishinganyeka.—Wavaka-Fwilipi 4:6, 7.
Omwo Kulomba Chinahase Kutukafwa
Kachi nge tunalizakamina chikuma, tunahase kwivwa nge tuli ukawetu. Vakwetu kaveshi kuhasa kwivwishisa kanawa ukalu tuli nakumonako. (Vishimo 14:10) Oloze kachi nge natulweza Kalunga mukulomba omwo tuli nakwivwa, kaha mwevwilila kukulomba chetu nakutwivwishisa. Yehova eji kumonanga ukalu tuli nakuhitamo, nakutachikiza omwo tuli nakwivwa nomwo tuli nakulipika naukalu kana. Shikaho, asaka etu tulombe kuli ikiye nakumulweza ukalu wetu wosena.—Mijimbu 2, 6:29, 30.
Kulomba kuli Yehova cheji kutukafwanga tufwelela chikupu ngwetu atuzakama. Tunahase kwivwa ngana muze evwile muka-kwimba jisamu uze alombele ngwenyi: “Unamono luyando lwami. Unatachikiza nawa kulyonyinga chami.” (Samu 31:7) Kutachikiza ngwetu Yehova eji kumonanga ukalu tuli nakuhitamo mukuyoya chetu, cheji kutukafwanga tutwaleho lika kumika nge tuli muukalu. Oloze eji kutulingilanga vyuma vyavivulu keshi kutachikiza kaha ukalu wetuko. Yehova atachikiza kanawa ukalu tuli nakumona kuhambakana kala mutu, kaha eji kutuvendejekanga nakutukolezeza kuzachisa Mbimbiliya.
Pamo Nauzanga Nawa
KAPOSHI KAKUTALILA
Namulomba Ngachilihi Numba Kalunga Evwilile kuKulomba Chenu?
Lombenunga kuli Kalunga kala kweshokwo muli, kaha nawa kala lwola, munahase kutambakana chipwe kulombela mumuchima. Yesu atukafwa tutachikize vyuma twatela kuhanjika.
ESSENTIAL BIBLE TEACHINGS
Uno Kalunga Eji Kwivwililanga kuKulomba Chosena Tahi?
Nyi ngachilihi nge mutu mwalomba havyuma vize navimunganyalisa yivene? Nyi ngachilihi nge lunga mwayanjisa muka-mahyenyi, kaha lichako himwalomba Kalunga amukisule?
VAKWEZE VEJI KUHULISA NGWAVO
Mwomwo Ika Ngwatela Kulombela?
Uno kulomba cheji kulingisanga mutu evwenga kumuchima hwo nyi mwaliweza vyavivulu?
KAPOSHI KAKUTALILA
Kutala Kalunga Eji Kwivwililanga kuKulomba Chetu Tahi?
Mbimbiliya yatufwelelesa ngwayo, Kalunga eji kwivwililanga kukulomba chetu nge natumulomba mujila yize etavila.
VYAYETU
Lomba Vakutambukile
Shimutwilenu chihula chimwe chamuMbimbiliya chipwe kulinangula vyavivulu hali Vinjiho jaYehova.
