3 | Vyakutalilaho vyaVatu Vavuluka muMbimbiliya Vinahase Kumikafwa
MBIMBILIYA YAVULUKA . . .Malunga namapwevo vakushishika vaze vevwilenga nganomu “tweji kwivwanga nayetu.”—WAYAKOVA 5:17.
Mwalumbunukila Mazu Kana
MuMbimbiliya mwatwama mijimbu yavatu vaze vamwenenga ukalu wakulisezaseza. Omu natutanga mijimbu yavatu kana muMbimbiliya, tunahase kulinangulako kumutu himutu.
Omwo Mazu Kana Anahase Kumikafwa
Tuvosena twasakiwa vatu vevwishise kanawa ukalu wetu, chikumanyi nge twaviza musongo wakuwongo. Kachi nge natutanga mujimbu wamutu umwe muMbimbiliya, kaha natumona vyuma twatela kulinangulako.
MuMbimbiliya vavulukamo mazu avatu vaze valivwile kupwa vamokomoko chikuma. Uno mwashinganyekaho lyehi ngwenu: ‘Ami kwami jino jinahu tahi?’ Omu mukiko evwile Mose, naElija naNdavichi.—Kulava 11:14; Vamyangana 1, 19:4; Samu 55:4.
Mbimbiliya yahanjika hapwevo umwe walijina lyaHana uze “alyonyingile chikuma mumuchima” mwomwo yakuhona kupwa navana oku nawa vapwile nakumutoleka kuli muhalika wenyi.—Samwele 1, 1:6, 10.
Mbimbiliya yahanjika nawa hali Yopa, lunga uze ahichile muukalu waunene chikuma. Numba tuhu apwile nalufwelelo lwalunene, oloze ahombele nakuhanjika ngwenyi: “Ngunahungu kuyoya chami. Kangweshi nakusaka kuyoya likako.”—Yopa 7:16.
Kutachikiza omwo vatu vavuluka muMbimbiliya vahonesele vishinganyeka vyakuhenga, chinahase kutukafwa tumike nge tuli muukalu.
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Vyuma Muka Natulinangula kuMapwevo Vavuluka muMbimbiliya
Talenu chihandwa chatwama hamapwevo vaze valingilenga vyuma vyamwaza navaze valingilenga vyuma vyavipi.
