Vyuma Muka Yahanjika Mbimbiliya?
Uno tuli nakuyoyela ‘mumakumbi akukuminyina’ tahi?
Kutala namwamba ngwenu?
Eyo
Nduma
Pamo
Vyuma yahanjika Mbimbiliya
“Hamakumbi akukuminyina nahakapwa lwola lwalukalu.” (WaChimoteu 2, 3:1) Upolofweto wamuMbimbiliya navyuma vyeka vili nakulingiwa makumbi ano, vili nakusolola nge tuli ‘mumakumbi akukuminyina.’
Vyuma muka vikwavo natulinangula muMbimbiliya?
Mumakumbi akukuminyina namukapwa jijita, najizala jakalombolombo, namindenda, namisongo yachihita.—Mateu 24:3, 7; Luka 21:11.
Mumakumbi akukuminyina, vatu navakayanda kumujimba nakushipilitu.—WaChimoteu 2, 3:2-5.
Vyuma muka vatalilila vatu kulutwe?
Vatu vamwe vafwelela ngwavo . . . makumbi akukuminyina nawakakuma omu navakanongesa mavu navatu vavapi vosena vaze vatwamaho, oloze veka vafwelela ngwavo vyuma navipwa kanawa kulutwe. Enu mwashinganyeka ngachilihi?
Vyuma yahanjika Mbimbiliya
“Vaka-kwoloka navakaheta mavu, kaha navakatwamangaho haya myaka yosena.”—Samu 37:29.
Vyuma muka vikwavo natulinangula muMbimbiliya?
Makumbi akukuminyina nawakakuma omu navakafumisako kuhuka chosena.—WaYowano 1, 2:17.
Mavu navakawalumuna kupwa palachise.—Isaya 35:1, 6.
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Vinjikizo Muka Vyasolola Nge Tuli Nakuyoyela ‘muMakumbi Akukuminyina’?
Mbimbiliya yavuluka vyuma vize navikalivanga kusoloka shimbu kanda ‘makumbi akukuminyina.’
ESSENTIAL BIBLE TEACHINGS
Mwomwo Ika Kalunga Atengelele Mavu?
Kaye ketu kapwa kamwaza chikuma. Katwama kwakusuku nalikumbi, kaha vakaseteka kanawa, keji kunyengumukanga chindende chindende. Mwomwo ika Kalunga atengelele mavu mujila kaneyi?
