Vatu Veji Kulombanga Ngwavo—“Wangana Wove Wizenga”
Uno mwalombaho lyehi ngwenu Wangana waKalunga wizenga tahi? Hamyaka yayivulu, vatu vanalombonga ngwavo “Wangana wove wizenga.” Mwomwo ika vatu vanalombelanga mujila kaneyi? Mwomwo Yesu alwezele vaka-kumukavangiza valombenga Wangana waKalunga.
Hakavanga, vaka-kukavangiza Yesu kavatachikijile vyuma apwile nakuvalweza kutalisa kuWanganako. Vahulishile Yesu ngwavo: “Ove Mwata, uno wangana nauukindulwisa kuli vaIsalele halwola luno tahi?” Pamo valikomokelele hakuwana nge Yesu kavakumbulwile kweseka nomu vasakileko. (Vilinga 1:6, 7) Uno echi chalumbununa nge katweshi kutachikiza mwalumbunukila Wangana waKalunga, nalwola naukezako tahi? Nduma.
Yino mangazini yaKaposhi Kakutalila nayimikafwa muwane muvakumbulwila vihula vino:
Mwomwo ika tuli nakusakila Wangana waKalunga?
Iya apwa Mwangana waWangana waKalunga?
Lwola muka Wangana waKalunga naukayula hamavu?
Uno Wangana waKalunga naukalinga vyuma muka?
Mwomwo ika twatela kukundwiza Wangana waKalunga?
Wangana waKalunga chuma muka?
Pamo Nauzanga Nawa
ESSENTIAL BIBLE TEACHINGS
Wangana waKalunga Chuma Muka?
Omu Yesu azachilenga mulimo wakwambulula, anangwilenga chikuma hachihande chaWangana waKalunga kuhambakana vihande vyeka. Hamyaka yayivulu, vaka-kumukavangiza vanalombonga ngwavo Wangana wizenga.
