Vyuma Yahanjika Mbimbiliya?
Kalunga atwama nalijina tahi?
VATU VAMWE VAFWELELA NGWAVO Kalunga katwama nalijinako, veka ngwavo lijina lyenyi ikiye Kalunga chipwe Mwata. Kaha vakwavo ngwavo atwama namajina amavulu. Enu munashinganyeka ngachilihi?
VYUMA YAHANJIKA MBIMBILIYA
“Ove ukwechi lijina lyove yove Yehova, yove kaha uka wove wapwa uWakulitulaho Chikuma hamavu hosena.”—Samu 83:18.
VYUMA MUKA VIKWAVO NATULINANGULA MUMBIMBILIYA?
Numba tuhu Kalunga atwama najivulukiso jajivulu, oloze aliluka lijina limwe kaha.—Kulovoka 3:15.
Kalunga kapwa wamukalu kutachikizako, asaka tumutachikize.—Vilinga 17:27.
Hakusaka tupwenga tumasepa jaKalunga, twatela chatete kutachikiza lijina lyenyi.—WaYakova 4:8.
Kutala chapwa chakuhenga kuzachisa lijina lyaKalunga tahi?
NAMUKUMBULULA NGWENU NGACHILIHI?
Mukiko
Nduma
Pamo mukiko
VYUMA YAHANJIKA MBIMBILIYA
“Kanda mukazachisa lijina lyaYehova Kalunga kenu mujila yakuhengako.” (Kulovoka 20:7) Ngocho kuzachisa lijina lyaKalunga nachipwa chakuhenga kuvanga kaha nge natulizachisa mujila yayipi.—Yelemiya 29:9.
VYUMA MUKA VIKWAVO NATULINANGULA MUMBIMBILIYA?
Yesu atachikijile lijina lyaKalunga nakulizachisa. —Yowano 17:25, 26.
Kalunga atulweza tumuvulukenga halijina lyenyi. —Samu 105:1.
Vaka-kole jaKalunga veji kulingisanga vatu vavulyame lijina lyaKalunga.—Yelemiya 23:27.
Pamo Nauzanga Nawa
ESSENTIAL BIBLE TEACHINGS
Uno Kalunga Atwama naLijina Tahi?
Kalunga atwama najivulukiso jajivulu, kuhakilako naWangolo Josena, naTengi, naMwata. Oloze lijina lyaKalunga valizachisa kafwe mapapa 7,000 muMbimbiliya.
KUKUMBULULA VIHULA VYAKUPANDAMA KUMBIMBILIYA
Uno Kalunga Atwama naMajina Angahi?
Vatu vashinganyeka ngwavo Kalunga atwama namajina amavulu akufwana nge ‘Alafwa naOmenga,’ ‘El Shaddai,’ ‘Yehova-Yile.’ Kutala chapwa chachilemu kutachikiza mwakuvulukila Kalunga tahi?
KUKUMBULULA VIHULA VYAKUPANDAMA KUMBIMBILIYA
Uno Kalunga Ikiye Yesu Tahi?
Yesu kalivulukile kupwa Kalunga Wangolo Josenako. Mwomwo ika?
