Vyuma Muka Yahanjika Mbimbiliya?
Uno Kalunga eji kukumbululanga kulomba chosena tahi?
KUTALA NAMWAMBA NGWENU . . .
Eyo
Chavatu vamwe
Nduma
VYUMA YAHANJIKA MBIMBILIYA
“Yehova atwama hakamwihi navosena vaze . . . veji kumusanyikanga mwamuchano.”—Samu 145:18.
VYUMA MUKA VIKWAVO NATULINANGULA MUMBIMBILIYA?
Kalunga kevwilila kukulomba chavaze navalikanga kuli ikiyeko. (Isaya 1:15) Chipwe ngocho, vanahase ‘kusungamisa vyuma’ naikiye nge navalumuna vilinga vyavo.—Isaya 1:18.
Hakusaka Kalunga akumbulule kulomba chetu, twatela kulomba kweseka namwaya muchima wenyi ngana muze yasolola Mbimbiliya.—WaYowano 1, 5:14.
Uno twatela kufukama, chipwe kutwama, chipwe kwimana hakulomba tahi?
VATU VAMWE VAFWELELA NGWAVO vatela kufukama, chipwe kunongama, chipwe kuwanyisa mavoko hakulomba. Enu mwashinganyeka ngachilihi?
VYUMA YAHANJIKA MBIMBILIYA
Kalunga evwilililenga kukulomba chavaze ‘vatwaminenga,’ navaze ‘vemanyinenga,’ navaze ‘valyalangilenga hamavu,’ nachavaze ‘vafukaminenga hamavu.’ (Mijimbu 1, 17:16; Mijimbu 2, 30:27; Ezela 10:1; Vilinga 9:40) Ngocho kasaka tulingenga mumwe hakulombako.
VYUMA MUKA VIKWAVO NATULINANGULA MUMBIMBILIYA?
Kalunga eji kwivwililanga kukulomba chavaka-kulinyisa. —Samu 138:6.
Munahase kulomba mukala lilimi chipwe kulomba uholela.—Mijimbu 2, 6:32, 33; Nehemiya 2:1-6.
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Uno Kalunga Mwangukafwa Nge Nangulomba Kuli Ikiye Tahi?
Uno Kalunga eji kutuzakamanga nge tuli muukalu tahi?
KUKUMBULULA VIHULA VYAKUPANDAMA KUMBIMBILIYA
Vyuma Muka Vyeji Kulingisanga Kalunga Ahone Kukumbulula Kulomba Chimwe?
Fwilenu kutachikiza kulomba chimwe chize Kalunga keshi kukumbululako navatu vaze Kalunga keshi kwivwililako.
