Tangenu Kuputuka 25:​29-34 mumone numba nge Esau naYakova vasakwile kanawa vyakulinga chipwe chiku.

Linangulenu vyakujiminyina hamujimbu wosena. Vyuma muka vyasolokele shimbu kanda mujimbu kana? (Kupu. 25:​20-28) Vyuma muka vyasolokele hanyima yamujimbu kana?—Kupu. 27:​1-46.

Hehwojolenu mujimbu kana. Uno mumakumbi kana twatwa apwilenga nalisesa muka, kaha milimo muka azachilenga?—Kupu. 18:​18, 19; w10 5/1 13.

• Uno lwola lwosena lisesa kana lyatalikishilenga kumutu wakuchisaka chaMeshiya tahi? (w17.12 14-15)

Wanenu vyuma munalinangula, nakuvizachisa. Mwomwo ika Yakova amwenenene utwatwa kupwa waulemu kuhambakana Esau? (Hepe. 12:​16, 17; w03 10/15 28-29) Uno Yehova evwile ngachilihi hali ava vatu vavali? (Mala. 1:​2, 3) Vyuma muka vyakulihandununako vize Esau atelele kulinga mangana asakule kanawa vyakulinga?

• Lihulisenu ngwenu, Nangusolola ngachilihi ngwami ngwamona usoko wami naYehova kupwa waulemu muchalumingo hichalumingo, chakutalilaho hakunononeka kanawa lwola lwakulinga chilongesa chakulemesa Kalunga mwatanga?