Nge tuli nakutanga Mbimbiliya, tweji kuzachisanga vinoma vyakulisezaseza mangana twivwishise kanawa vyuma tuli nakutanga. Oloze katweshi kufwila kulinangula mangana tupwenga kaha nachinyingi chachivulu chamuMbimbiliyako. Twasaka kuwana vishina vyavilemu kutalisa kuvilinga vyaYehova vize navitukafwa tumuzange chikuma. Hakusaka tulinge ngocho, twatela kulihulisa ngwetu, ‘Uno ou mujimbu wamuMbimbiliya unangunangula ika hali Yehova?’

Chakutalilaho, munahase kufwila kuwana vyavivulu kutalisa kujila Yehova eji kusolwelangamo zangi, namangana, nachiyulo nangolo. Chipwe ngocho Yehova atwama nawa navilinga vyeka vyamwaza. Uno kulihi munahase kuwana mijimbu yayivulu yahanjika havilinga vyenyi?

Talenu muChinoma Chakukafwa Vinjiho jaYehova Kuhehwojola hamutwe wakwamba ngwavo “Yehova Kalunga,” nakuya hakamutwe kakwamba ngwavo “Vilinga vyaYehova.” Kufumaho, shinganyekenu havilinga vize vanasolola mumujimbu wamuMbimbiliya munatange.