CHIHANDE CHAKULINANGULA 52
Enu Visemi, Nangulenu Vana Venu Vazange Yehova
“Vana vapwa uswana wakufuma kuli Yehova.”—SAMU 127:3.
MWASO 134 Kulela Vana hiMulimo Atuhana Kalunga
VYUMA NATUSHIMUTWILA *
1. Yehova ahana visemi mulimo muka?
YEHOVA atengele vapwevo nalunga vakulivanga namuchima wakusaka kupwa navana. Mbimbiliya yamba ngwayo: “Vana vapwa uswana wakufuma kuli Yehova.” (Samu 127:3) Uno mazu kana alumbunukila mulihi? Achishinganyekenu sepa lyenu namihane jimbongo jajivulu chikuma mangana mumulaminejo. Uno namwivwa ngachilihi? Pamo namuwahilila mwomwo ngwenu mutu kana namifwelela. Oloze munahase nawa kulizakamina mwakulamina jimbongo kana. Chochimwe nawa, hakuwana nge Yehova apwa sepa lyetu, ahana visemi vana mangana vamulaminengavo. Vana vapwa vavalemu chikuma kuhambakana jimbongo. Yehova afwelela chikupu ngwenyi visemi navalama kanawa vana vavo nakuvalingisa vapwenga vakuwahilila.
2. Vihula muka natukumbulula muchihande chino?
2 Iya atela kusakwila vaze valimbata nge vatela kupwa navana chipwe chiku, nakuvalweza lwola vatela kupwa navana? Vyuma muka vatela kulinga visemi mangana vakafwe vana vavo vapwenga nachiyoyelo chamwaza? Natushimutwila jindongi jimwe jamuMazu aKalunga jize najikafwa vaze valimbata vasakulenga kanawa vyakulinga.
VUMBIKENU VYUMA VANASAKULA VAPWEVO NALUNGA
3. (a) Iya atela kusakwila vaze valimbata nge vatela kusema chipwe chiku? (b) Lundongi muka lwamuMbimbiliya luze vatela kwanukanga masepa navausoko?
3 Muvisemwa vimwe, nge vatu vanalimbate, kahatela kuhita lwola lwalusuku numba vapwenga navanako. Vanahase kuvashinyinyika Ngale. 6:5) Tunejiva vene ngwetu masepa navausoko vasaka vaze vanalimbate vapwenga vakuwahilila. Chipwe ngocho, vatela kwanukanga ngwavo mulimo wakusakula kupwa navana chipwe chiku wapwa wavavene vapwevo nalunga.—Teso. 1, 4:11.
kuli vausoko navatu veka mangana vakavangize chisemwa kana. Ndumbwetu walunga Jethro wakuAsia, ambile ngwenyi, “Vandumbwetu vamwe vaze vatwama navana veji kushinjilanga vaze kavatwama navanako mangana vaseme.” Jeffrey ndumbwetu weka wakuAsia, ambile ngwenyi, “Vamwe veji kulwezanga vaze kavatwama navanako ngwavo nou mwakavazakama wauchi nge vanashinakajiwa.” Olozenyi, vapwevo nalunga vatela kulisakwila vavene kupwa navana chipwe chiku. (4-5. Vihula muka vivali vatela kushimutwila vapwevo nalunga, kaha lwola muka lwamwaza kuvishimutwila? Lumbununenu.
4 Nge vapwevo nalunga vali nakusaka kupwa navana, kaha vatela kushimutwila havihula vino vivali: Chatete, lwola muka vali nakusaka kukapwa navana? Chamuchivali, vana vangahi vali nakusaka kupwa navo? Uno lwola muka vatela kushimutwila hachihande kana? Kaha mwomwo ika chapwila chachilemu kushimutwilaho?
5 Kakavulu, chapwa chamwaza vapwevo nalunga kushimutwila hachihande chakusema shimbu kanda valimbate. Mwomwo ika? Mangana vapwenga navishinganyeka vyovimwe. Kaha nawa, nachivakafwa vamone numba nge vanalizange kupwa navana nyi chiku. Vamwe veji kuhichisangamo mwaka umwe chipwe yivali kufuma hakulimbata numba vaputuke kusema mwomwo vatachikiza ngwavo nge vanaputuka lyehi kusema, lwola lwaluvulu navakaluzachisanga kukuzakama vana. Vasaka kuvangila kwijilila chiyoyelo chamuulo, nakuvangila kulitachikiza kanawa nakupwa vasepa namutu.—Efwe. 5:33.
6. Uno lwola tuli nakuyoyelamo lunalingisa vaka-kulimbata vamwe vasakule kulinga ika?
6 Vaka-Kulishitu veka nawa vasakula kulondezeza vana vaNowa vatatu namapwevo javo. Vana vaNowa kavasemene vana kufuma kaha hakumbatako. (Kupu. 6:18; 9:18, 19; 10:1; Petu. 2, 2:5) Kaha Yesu afwanyishile luno lwola ‘lwalukalu’ tuli nakuyoyela ‘kumakumbi aNowa.’ (Mateu 24:37; Chimo. 2, 3:1) Echi chikiko chalingisa vamwe vasakule kutwama chakuzeneka kusema, mangana vapwenga nalwola lwaluvulu lwakuzata milimo yakushipilitu.
Vapwevo nalunga vamangana vaze vali nakusaka kusakula kupwa navana chipwe chiku, nakuvula chavana vatela kusema, veji kukekesanga lundongi lwahali Luka 14:28, 29 (Talenu palangalafu 7) *
7. Uno jindongi jahali Luka 14:28, 29 naVishimo 21:5 jinahase kukafwa ngachilihi vapwevo nalunga?
Luka 14:28, 29 (Tangenu.) Vaze valelaho lyehi vana vejiva ngwavo kulela vana chasakiwa kuzachisa jimbongo, nalwola najingolo. Shikaho nachiwaha vapwevo nalunga kushimutwila vihula vino: ‘Uno tuvosena twatela kupwa hamilimo numba tukawanenga vyakulikafwa navyo tahi? Vyuma muka vyakulikafwa navyo vize twatela kukapwa navyo? Nge tuvosena natukapwa hamilimo, kaha iya mwakasalanga hembo navana? Vilinga vyeya navakalondezezanga?’ Vapwevo nalunga vaze veji kushimutwilanga vihula kana veji kukavangizanga mazu ahali Vishimo 21:5.—Tangenu.
7 Vapwevo nalunga vamangana vaze vali nakusaka kusakula kupwa navana chipwe chiku, nakuvula chavana vatela kusema, veji kukekesanga lundongi lwahaliLunga wazangi atela kuzata nangolo akafwe puwenyi (Talenu palangalafu 8)
8. Ukalu muka vatela kushinganyekela chimweza vapwevo nalunga, kaha chuma muka atela kulinga lunga wazangi?
8 Kulela mwana chasakiwa visemi vosena vavali kuzachisa lwola lwavo najingolo javo. Shikaho, nge navalunjikizanga washi, kaha chinahase kuvakaluhwila kuzakama mwana himwana. Visemi vamwe vaze valunjikizaho lyehi washi, veji kwambanga ngwavo chapwa chachikalu kulela vana kana. Cheji kuzeyesanga chikumanyi chisemi wapwevo, ngocho chinahase kumukaluhwila kupwa nachilongesa chauka, nakulomba nakuzata mulimo wakwambulula. Ukalu ukwavo shina kuhona kwivwilila kanawa kuvihande nakunganyala nge vali kukukunguluka. Shikaho, chisemi walunga atela kukafwangako puwenyi kuzakama vana nge vali kukukunguluka chipwe hembo. Chakutalilaho, nahase kumuzachilako milimo yahakanda. Atela kuzata nawa nangolo mangana vosena vanganyale nge vali hachilongesa chaKulemesa Kalunga mwaTanga. Atela nawa kuyanga muwande natanga yenyi lwola lwosena.
NANGULENU VANA VAZANGE YEHOVA
9-10. Chuma muka vatela kulinga visemi mangana valele kanawa vana vavo?
9 Vyuma muka vimwe vize vatela kulinga visemi mangana vakafwe vana vavo vazange Yehova? Uno navahasa kuvakinga ngachilihi kuvilinga vyavipi? Tushimutwilenu vyuma vimwe vize vatela kulinga visemi.
10 Lombenunga Yehova amikafwe. Achishinganyekenu chakutalilaho chaManowa napuwenyi, visemi jaSamasone. Omu Manowa ejivile ngwenyi navapwa namwana, alembelelele Yehova mangana avalweze mwakulelela uze mwana.
11. Kweseka nachisoneka chaVaka-kuyula 13:8, visemi vanahase kulondezeza ngachilihi Manowa?
11 Nihad napuwenyi Alma vakuBosnia naHerzegovina, Vaka-kuyula 13:8.
valondezezele Manowa. Vambile ngwavo: “Twalombele Yehova atunangule tupwenga visemi vamwenemwene, ngana muze alingile Manowa. Kaha Yehova akumbulwile kulomba chetu kuzachisa Mbimbiliya namikanda yetu, nakukunguluka chachikungulwilo nechi changalila.”—Tangenu12. Chakutalilaho muka chize Yosefwe naMaliya vahanyine vana vavo?
12 Vahanenunga chakutalilaho chamwaza. Numba tuhu vyuma namuhanjika navikafwa vana venu, oloze vyuma mweji kulinganga vikiko vyatwama nangolo chikuma. Yosefwe naMaliya vahanyine vana vavo chakutalilaho chamwaza kuhakilako vene naYesu. Yosefwe akilikichilenga mangana azakame tanga yenyi. Kaha nawa avakafwile vamonenga vyuma vyakushipilitu kupwa vyavilemu. (Lushi. 4:9, 10) Ayilenga navo kuYelusalema “mwaka himwaka” kuchiwanyino chaPaseka, numba tuhu jishimbi kajalwezele vaIsalele kulinga chuma kanako. (Luka 2:41, 42) Malunga vamwe pamo vashinganyekelenga ngwavo chapwile chachikalu kuya ungeji kanou wausuku natanga yosena, kaha nawa chapwilenga kwenyeka jimbongo nalwola. Oloze Yosefwe amwenenga vyuma vyakushipilitu kupwa vyavilemu nakunangula vana venyi vamonenga vyuma kana mujila yoyimwe. Maliya nawa atachikijile kanawa visoneka. Ngocho vyuma ahanjikilenga nakulinga vyakafwilenga vana venyi vazange Mazu aKalunga.
13. Uno Nihad naAlma vakavangijile ngachilihi chakutalilaho chaYosefwe naMaliya?
13 Nihad naAlma vaze tunavuluka vasakile kukavangiza chakutalilaho chaYosefwe naMaliya. Uno chavakafwile ngachilihi vanangule mwanavo azange Kalunga nakumuzachila? Vambile ngwavo: “Vyuma twalingilenga vyamukafwile amone kuwaha chatwama hakukavangiza jindongi jaYehova.” Nihad ambile ngwenyi, “Visemi vatela kupwa navilinga vize vasaka vana vavo vapwenga navyo.”
14. Mwomwo ika visemi vatela kutachikijila masepa javana vavo?
14 Vakafwenu valikatenga navatu vavilinga vyamwaza. Vapwevo nalunga vatela kutachikiza masepa javana vavo navyuma veji kulinganga. Echi chasakiwa nawa kutachikiza vatu veji kushimutwilanga navo hajishinga chipwe haInternet. Vatu kana vanahase kuvalingisa vapwenga navishinganyeka navilinga vyamwaza chipwe vyavipi.—Koli. 1, 15:33.
15. Visemi navalinangula ika kuchakutalilaho chaJessie?
15 Vyuma muka vatela kulinga visemi nge kavejiva mwakuzachishila makinako? Jessie, chisemi walunga wakuPhilippines, ambile ngwenyi: “Numba tuhu katwejivile kanawa mwakuzachishila makinako, oloze twakafwilenga vana vetu vejive ponde yatwama hakuzachisa makina.” Kuhona kutachikiza kanawa mwakuzachishila makina kachalingishile Jessie akanyise vana venyi kuzachisa makinako. Ambile ngwenyi: “Ngwavakolezezele vazachisenga makina hakulinangula lilimi lyeka, nakuwahisa vyakukunguluka nakutanganga Mbimbiliya hakumbi hakumbi.” Enu visemi, kutala munatange navana venu vihande vyahaInternet vize vyahanjika hakulitumina mijimbu namivwimbimbi hamakina nakushimutwilaho tahi? Kutala munahituluka navo vindiyo yakwamba ngwavo, Zachisenunga Kanawa Makina Enu, nayeyi yakwamba ngwavo, Pwenunga Vakuvanguluka Hakulituminanga Mijimbu haMakina tahi? * Vyuma kana vinahase kumikafwa kunangula vana venu vazachisenga kanawa makina.—Vishi. 13:20.
16. Visemi vavavulu vanalinginga ika, kaha vyuma muka vinafumumo?
16 Visemi vavavulu veji kukilikitanga vasanyike vandumbwavo vaze vatwama nachakutalilaho chamwaza hakuzachila Kalunga mangana vashikame navana vavo. Chakutalilaho, N’Déni napuwenyi Bomine, wakuCôte d’Ivoire, vasanyikilenga kalama wakujinguluka atwamenga kuzuvo yavo. N’Déni ambile ngwenyi: “Chuma kana chakafwile chikuma mwanetu watwatwa. Aputukile kuzata upayiniya, kaha oholyapwa ali jino muka-kukwachilako kalama wakujinguluka.” Kutala nayenu munahase kukafwa vana venu valikatenga navandumbwetu vakuhya kushipilitu tahi?
17-18. Uno lwola muka visemi vatela kuputuka kunangula vana vavo?
17 Putukenu kunangula vana venu shimbu vachili vavandende. Nachipwa changanyo chikuma kachi nge visemi navaputuka kunangula vana vavo shimbu vachili vavandende. (Vishi. 22:6) Achishinganyekenu hali Chimoteu uze atambukilenga nakaposetolo Paulu. Naye Yunese nakaka yenyi Lowise vamunangwilenga “kufuma kuukemba.”—Chimo. 2, 1:5; 3:15.
18 Valunga napwevo vakuCôte d’Ivoire, vaJean-Claude naPeace, vahashile kulela vana vavo 6 nakuvanangula vazange Yehova nakumuzachila. Vyuma muka vyavakafwile? Vakavangijile chakutalilaho chaYunese naLowise. Vambile ngwavo: “Twanangwilenga vana vetu Mazu aKalunga kufuma vene kuukemba.”—Lushi. 6:6, 7.
19. Uno kunangula vana Mazu aKalunga chalumbununa kulinga ika?
19 Uno ‘kunangula’ vana Mazu aKalunga chalumbununa kulinga ika? Kweseka namazu ali mukwinyikila chamwishi hali Lushimbi lwamuchivali 6:6, 7, ‘kunangula’ chapwa ‘kuhilukilahilukila mazu nakuwashindakanyanga.’ Echi chasakiwa visemi kupwanga hamwe navana vavo halwola lwalusuku. Numba tuhu lwola lumwe kuhilukilahilukila mazu hakunangula vana chinahase kwivwisa visemi chipekete, oloze kulinga ngocho nachikafwa vana vavo vevwishise Mazu aKalunga nakuwakavangiza.
Visemi vatela kutachikiza mwakunangwila mwana himwana (Talenu palangalafu 20) *
20. Uno chisoneka chaSamu 127:4 nachimikafwa ngachilihi kulela vana?
waSamu 127 wafwanyisa vana kumivwi. (Tangenu Samu 127:4.) Ngana muze mivwi veji kuyitunganga kuzachisa vyuma vyakulisezaseza, kaha nawa mujijila jakulisezaseza, navana nawa kaveshi kuhasa kulifwanako. Shikaho, visemi vatela kutachikiza mwakunangwila mwana himwana. Valunga napwevo vamwe vamulifuchi lyaIsrael vaze valelele vana vavo vavali, vahanjikile vyuma vyavakafwile. Vambile ngwavo: “Twanangwilenga mwana himwana hauka wenyi.” Mutwe watanga atela kukekesa amone numba nge kunangula vana mujila kaneyi, chinahase kupwa chachashi.
20 Tachikizenu kanawa vana venu. MukandaYEHOVA MWAMIKAFWA
21. Yehova eji kukafwanga ngachilihi visemi?
21 Lwola lumwe visemi vanahase kuchiwana kupwa chachikalu kunangula vana vavo, oloze vatela kwanuka ngwavo vana vapwa wana wakufuma kuli Yehova. Kaha Kalunga alisuula kuvakafwa. Eji kwivwililanga kukulomba chavisemi. Kaha eji kukumbululanga kulomba kana kuhichila muMbimbiliya namikanda yetu, navisemi vakulindunuka vamuchikungulwilo.
22. Uno vyuma muka visemi vanahase kulingila vana vavo?
22 Numba tuhu vatu vamwe veji kwambanga ngwavo, mulimo wakulela vana weji kumbatanga myaka 20, olozenyi mulimo wachisemi kawakumako. Shikaho visemi vatela kuzanga vana vavo, nakupwanga navo nakuvanangulanga Mbimbiliya. Vana vanahase kwakula kukunangula kana mujijila jakulisezaseza. Chipwe ngocho, vana vavavulu vaze valelele kuli visemi vaze vazanga Yehova, veji kuhanjikanga ngana muze ahanjikile ndumbwetu Joanna Mae wakuAsia ngwenyi: “Ngweji kusakwililanga chikuma visemi jami hakunguhuhumunanga nakungunangula nguzange Yehova. Ngweji kuvasakwililanga nawa hakungulela mujila yamwaza nakungukafwa ngupwenga nguwakuwahilila mukuyoya.” (Vishi. 23:24, 25) Chikupu vene, vaka-Kulishitu vavavulu veji kusakwililanga visemi javo hakuvalela kanawa.
MWASO 59 Twalishilenunga Hamwe Yehova
^ par. 5 Nge vapwevo nalunga navasaka kupwa navana, kaha vatela kupwa navana vangahi? Kaha nawa navahasa kunangula ngachilihi vana vavo vazange Yehova? Chino chihande nachishimutwila vyakutalilaho vyamakumbi ano najindongi jamuMbimbiliya jize najitukafwa kukumbulula vihula kana.
^ par. 15 Talenu nawa Mukanda waKukunguluka chaChiyoyelo naMulimo waJune 2018 hachihande chakwamba ngwavo, “Lihendenu kuPonde Yatwama haKulituminanga Mijimbu haMakina.”
^ par. 60 MAZU AKULUMBUNUNA MUVWIMBIMBI: Valunga napwevo vali nakushimutwila numba nge navakapwa navana nyi chiku, nakushimutwila hakuwaha chatwama hakupwa navana naukalu watwamaho nawa.
^ par. 64 MAZU AKULUMBUNUNA MUVWIMBIMBI: Valunga napwevo vali nakunangula mwana himwana hauka wenyi, mwomwo yamyaka yakulisezaseza yavana vavo nauhashi wavo.