Vandumbwetu vavavulu veji kuzachisanga vihande vyeji kupwanga hachihanda chamaputukilo ha jw.org mumulimo wakwambulula. Vihande kana vyapwa vyavyashi kuvitumina mutu halikina, kaha nawa vyeji kulumbununanga omwo vyuma vili nakusoloka makumbi ano vili nakutesamo upolofweto wamuMbimbiliya. Ndumbwetu umwe asonekele ngwenyi vihande vyahachihanda chamaputukilo hivihande vize “vinalitasana najila tuli nakuzachilamo mulimo wakwambulula oholyapwa.”

Oloze evi vihande vyeji kujimukanga. Jino munahase kuwana ngachilihi vihande vize kavyeshi cheka hachihanda chamaputukiloko?

• Nge muli hachihanda chamaputukilo ha jw.org, kaha nyachikenu haze vanavuluka ngwavo “Tala vyavivulu” helu yachihande, chipwe kwishi yachihande nge muli nakuzachisa shinga. Kunyachikaho nachimitwala haze vanavuluka ngwavo “Vihande Vyapwanga Kalinwomu haChihanda chaMaputukilo,” haze namuwana vihande vyavivulu vyapwangaho mukalinwomu.

• Nge muli ha jw.org chipwe ha JW Library^®, kaha nyachikenu haze vanavuluka ngwavo “Library,” nakunyachika haze vanavuluka ngwavo “Vihande Vyakulisezaseza,” nakunyachika jino haze vanavuluka ngwavo “Vihande Vikwavo.” Hachihanda kana hatwama vihande vyavivulu vize vinapunga hachihanda chamaputukilo chaha jw.org.